“Ne'e diretu, diretu Lere nian, ha'u hanoin ha'u la hatene saida mak ko'alia iha Likisá, ha'u hatene nia ba, ha'u la taka dalan ba ema ida, maibé estatutu, estatutu, ne'e buat seluk”, hatete nia iha Palásiu Prezidensiál, Bairo Pite, tersa (08/08).

Tanba eleisaun ba Prezidente Partidu Fretilin ho Sekretáriu Jerál se de'it bele kompete tanba ne'e sira-nia direitu atu avansa hodi kompete.

Maske ema hotu iha diretu forma pakote segundu, terseiru no to'o pakote 20.

Maibé haree ba estatutu atu iha dalan ka laiha dalan, tanba Lere iha nia ema, ne’ebé bele konsulta atu hatene estatutu partidu FRETILIN bainhira forma pakote hodi kompete.

Tanba partidu FRETILIN sei fó de'it ba ema atu lidera de’it, ida-ne'e sei la fó, tanba iha sentidu ba responsabilidade iha partidu.

“Ha'u la hatán ba ida-ne'e, Kamarada Lere ka Jenerál Lere, hatene ona estatutu ne'e halo nusa, nia mós iha ema, nia bele konsulta. estatutu, estatutu, se loke dalan, loke dalan, se taka dalan, taka dalan, ne'e ha'u labele komenta ida-ne'e”, hatete nia.

Purtantu kona-ba halo revizaun ba Estatutu ne'e mós halo agora tanba nu’udar jurista kuandu halo revizaun ba estatutu ne'e so hein to'o kongressu foun fali, la'ós agora.

“Se la'e aban bainrua ema hothotu tama mai halo revizaun, ha'u mós hakarak sai”, dehan nia.

Nune'e Kongressu nasionál ne'ebé sei akontese iha tinan ida-ne'e, tuir tradisaun FRETILIN nian katak, Kongressu nasionál ne'e, Prezidente Partidu ho Sekretáriu Jerál mak bele loke abertura maibé la'ós Prezidente Repúblika.

Tanba Prezidente Repúblika ba agora loke mak iha pakote ruma, dehan nia ba ko'alia ho sé, ne'e ladún di'ak, tanba ne'e labele tau Prezidente Repúblika iha situasaun ida ne'ebé seidauk definidu, maibé to'o iha enseramentu ne'e siknifika situasaun definidu ona, entaun Xefe Estadu bele ba partisipa. (*)