Login to your account

Username *
Password *
Remember Me

MAE-UNDP Desimina Lei Poder Lokál no Desentralizasaun Administrativa ba Prezidente Autoridade Sira

Minístru Administrasaun Estatál (MAE), Miguel Perreira de Carvalho. Minístru Administrasaun Estatál (MAE), Miguel Perreira de Carvalho. Foto Suplay

Tempotimor (Dili)-Minístériu Administrasaun Estatál (MAE) hamutuk ho United Nations Development Programme (UNDP) desimina lei poder lokál no desentralizasaun Administrativa ba Prezidente Autoridade no Administradór sira.

Minístru Administrasaun Estatál (MAE), Miguel Perreira de Carvalho hatete, hahú realiza desiminasaun lei poder lokál no Desentralizasaun Administrativa ba Autoridade lokál sira iha Timor-Leste.

“Ohin Ministériu Administrasaun Estatál (MAE) realiza desiminasaun ba lei sira ne'ebé mak Parlamentu Nasionál aprova ona iha tinan kotuk hodi estabelese poder lokál lei sira ne'e mak hanesan, lei ne'e mak lei poder lokál e desentralizasaun Administrativa, nomós lei eleisaun munisípal, ohin ami konvida administradór prezidente autoridade sira nomós grupu traballu interministeriál no diretór nasionál sira mai rona konteúdu husi aprezenta konteudu husi lei rua ne'e, ne'ebé ita sei Implementa iha tempu badak, husi 2023- 2024 ita tenta liuhusi desizaun polítika”, dehan nia ba jornalista sira iha Hotel Timor, Kolmera, tersa (09/08).

Tanba objetivu husi lei ne'e mak atu dezenvolve ekonomia iha rurál sira, liuhusi programa dezenvolvimentu lokál sira ne'ebé uluk hala'o tiha ona hanesan pakote referendu, PDIN no PDID no seluk tan ne'ebé konsege hamoris setór privadu sira iha Munisípiu.

Iha mós objetivu seluk mak, Governu tenta reafirma filafali insitituisaun Estadu ne'ebé mak forte iha territóriu Timor-Leste tanba bainhira Munisípiu sira seidauk muda ba poder lokál, tanba ne'e mak muda ba munisípiu sira atu nune'e instituisaun sira forte tanba hodi garante insitituisaun forte iha territóriu Timor laran tomak.

Nune’e mós fó oportunidade ba partisipasaun demokrátika Governu lokál katak, ho poder lokál komunidade no populasaun sira iha nível eleje sira-nia área reprezentante sira iha orgaun sira hanesan prezidente munisípiu ho nia vise no mós Deputadu munisipál sira liuhusi eleisaun demokrátika.

Iha ne’e, objetivu importante seluk mak, kualidade servisu públiku ba populasaun sira-nia kuantidade ho kualidade hodi hasa'e di'ak liután.

“Ohin loron administradór Prezidente Autoridade sira Governu sentrál mak estruturamente tantu prezidente no vise Prezidente no Deputadu munisipál populasaun sira mak hili direta, entaun ho desentralizasaun Administrativa ne'e ita fó oportunidade ba partisipasaun ema Timoroan sira iha nível baze ne'ebá para atu hili sira-nia autoridade”, dehan nia.

Ba lei rua ne'e Konsellu Ministru, Parlamentu Nasionál aprova ona nune'e mós Prezidente Repúblika, Francisco Guterres ‘Lú Olo’, promulga ona iha tinan kotuk.

“Lei rua ne'e Ministériu elabora iha tinan hirak ba kotuk, ami hodi ba Parlamentu Nasionál no konsege aprova no Prezidente Repúblika promulga ona”, afirma nia.

Molok estabelese lei poder lokál desentralizasaun Administrativa no lei eleisaun munisípal ne'e durante ne'e Ministériu Administrasaun Estatál (MAE) serbisu hamutuk ho Uniaun Nation Development Programme (UNDP) no mós hetan apoiu finanseiru husi  Uniaun Europeia (UE).

“Durante tinan tolu fó apoiu finanseiru ba Ministériu hodi dezenvolve kuadrus legál sira relasiona ho poder lokál apoiu programa kapasitasaun ba funsionáriu públiku sira iha Munisípiu no apoiu Ministériu hodi elabora prosedur ba jestaun finansas Públikas iha Munisípiu sira”, deklara nia.

Nune'e Reprezentante Uniaun Nation Development Programme (UNDP) ba Timor Leste, Mungktunya Altangerel hatete, UNDP liuhusi projetu desentralizasaun ho naran haforsa dezenvolvimentu lokál integradu apoiu ba Governu hodi estabelese lei rua ne'ebé mak aprova ona iha Parlamentu no hetan Promulgasaun husi Prezidente Repúblika, Francisco Guterres ‘Lú Olo’.

"UNDP liuhusi Programa dezenvolvimentu Programa lokál liuhusi projetu desentralizasaun ho naran haforsa dezenvolvimentu lokál integradu liuhusi harii kapasidade munisipal iha Timor-Leste ne'ebé UNDP fó finansiamentu liuhusi Uniaun Europeia nomós Ministériu Administrasaun Estatál nu'udar komprimissu boot atu fó apoiu nafatin ba Governu no Estadu iha Timor Leste ba área desentralizasaun Administrativa nian”, dehan nia

Nune'e UNDP mós kongratula ba Governu Timor-Leste liliu Ministériu Administrasaun Estatál (MAE) ne'ebé aprezenta lei refere no konsege aprova iha Parlamentu Nasionál no hetan promulgasaun husi Prezidente Repúblika iha tinan 2021. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter