Login to your account

Username *
Password *
Remember Me

Autoridade Bubususu Kontente MAPkomS Haree Direta Kondisaun Infraestrutura Báziku

Suku Bubususu, Postu Administrativu Fatuberliu, Munisípiu Manufahi, akompana hela diskursu husi Ministru Asuntu Parlamentár no Komunikasaun Sosiál (MAPKomS), Francisco Martins da Costa Pereira Jeronimo. Suku Bubususu, Postu Administrativu Fatuberliu, Munisípiu Manufahi, akompana hela diskursu husi Ministru Asuntu Parlamentár no Komunikasaun Sosiál (MAPKomS), Francisco Martins da Costa Pereira Jeronimo. Foto Suplay

Tempotimor (Dili)-Autoridade Suku Bubususu, Postu Administrativu Fatuberliu, Munisípiu Manufahi sente kontente ho vizita husi Ministru Asuntu Parlamentár no Komunikasaun Sosiál (MAPKomS), Francisco Martins da Costa Pereira Jeronimo, tanba bele haree direta problema infraestrutura báziku ne'ebé komunidade Suku Bubususu enfrenta.

Ami sente ksolok tanba hetan vizita husi MAPKOMS e hanesan milagre ida tanba hafoin Timor ukun rasik-an ami foin hetan vizita husi Ulun-boot nasionál mai ami-nia fatin hodi bele haree ami-nia problema rasik”, dehan Xefe Suku Bubususu, Estanislao Borges hafoin partisipa iha atividade dialogu komunitáriu iha Suku Bubususu, sábadu (06/08).

Tanba ne'e problema ne'ebé komunidade enfrenta mak estrada, no Ministru mai iha suku ne'e mós liuhusi dalan ida-ne'e, haree rasik ona estrada ida-ne'e nia kondisaun aat oinsá.

“Estrada at ida-ne'e difikulta ami-nia movimentu liliu ho transporte públika hodi halo ami-nia fatin ne’e sai izoladu tebes, tanba ema atu mai mós susar ami atu ba mós susar hodi difikulta buat hotu, maske ami iha fatin potensiál balun ba turizmu lokál nomós iha produtu lokál ami-nia”, afirma nia.

Nune'e mós problema seluk ne'ebé Governu tenke haree ho sériu mak iha área Edukasaun, liliu Eskola iha área refere nia kondisaun at ona no presiza hetan atensaun lalais atu nune'e labele difikulta ba oráriu aprendizajen nian.

Aleinde iha Suku refere iha mós klinika iha antes ne'e iha Doutór nomos parteira maibé lakleur de'it sira ba ona e la filafali mai lahatene nia motivu saída.

“Tanba ne'e susar tebes ba ami bainhira hetan problema saúde liliu ba inan feton sira ne’ebé atu partu. Nia hatutan liután katak fatór importante seluk mak ate oras ne’e mós iha suku refere sidauk hetan asesu ba elitsidade”, dehan nia.

Hatán ba preokupasaun sira ne'e, Ministru ba Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jeronimo hatete, kona-ba problema hirak ne'ebé mak levanta husi Autoridade lokál, la’ós akontese de'it iha suku Bubususu maibé ida-ne'e akontese kuaze iha Timor laran tomak.

Maibé ba asuntu edukasaun no saúde iha fatin ida-ne'e sei ko’alia diretamente ho Ministériu Edukasaun Juventude no Desportu (MEJD) ho Ministériu Saúde ba asuntu edukasaun no Edukasaun atubele haree situasaun ne'e ho lais hodi bele responde.

“Ba parte infraestrutura nian mós hanesan ha’u sei hato’o ba ministru relevante atubele haruka nia ekipa téknika sira bele mai hare kondisaun ida-ne’e”, dehan nia.

Maske nune'e MAPKOMS nafatin fó korajen ba komunidade iha área refere atu nafatin fiar ba polítika Governu ne'ebé lidera husi Primeiru Ministru, Jenerál Taur Matan Ruak tanba nia nafatin iha kometimentu hodi lori dezenvolvimentu to'o iha área sira ne'e.

“Neineik ka lalais ha’u fiar ita sei bele rezolve kestaun hirak ne’e maske la’ós hotu kedas tamba hanesan ohin ha’u dehan Governu ida-ne’e iha kometimentu boot tebes, liuhusi nia programa sira ne’e tanba ne’e ha’u hakarak fó nafatin korajen ba ha’u-nia oan ka alin sira atu nafatin aprende e estuda ba imi-nia futuru no nasaun nian”, hatete nia.

Fatin hanesan Administradór Munisípiu Manufahi, Arantes isaac Sarmento hatete, kona-ba problema eletrisidade ne'e dadaun sei la'o hela iha suku balun iha munisípiu refere.

Tanba haree katak kompaña sira mós hahú ona tau besi elitsidade tuir dalan iha suku hirak ne'ebé besik suku bubususu, tanba ne'e kleur ka lais mós sei to’o iha Bubususu.

“Tanba ne'e téknika sira la'o hela hodi haree ba sasán hirak ne'e maibé buat hotu tuir tempu nomos programa ne'ebé iha ona”, esplika nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter