Login to your account

Username *
Password *
Remember Me

PR Horta Kondekora Militar Korea Na'in-Lima Lakon Vida iha Oekussi ho Medalla Méritu

Prezidente Repúblika (PR), José Ramos Horta foto hamutuk ho Família militar Na'in-lima husi Repúblika Korea Súl iha palásiu Prezidensial Bairo Pite, segunda (08/08). Prezidente Repúblika (PR), José Ramos Horta foto hamutuk ho Família militar Na'in-lima husi Repúblika Korea Súl iha palásiu Prezidensial Bairo Pite, segunda (08/08). Foto Suplay

Tempotimor (Dili)-Prezidente Repúblika (PR), José Ramos Horta, deside lori Estadu Timor-Leste nia naran fó kondekorasaun medalla mertiu ba Militar na'in-lima husi Repúblika Korea Súl ne'ebe uluk lakon vida iha akontesimentu Asidente Mortal iha Oekussi.

Prosesu kondekorasaun ba militár Repúblika Korea Súl hirak ne'e bazeia ba dekretu Presidente Repúblika númeru 61/2022 loron 6 fulan-Agustu.

Ba militar hirak ne'ebé hetan kondekasaun husi Xefe Estadu Timor-Leste mak hanesan Tenente Coronel Min Byung Jo, Tenente Coronel Park Jin Kyu, Sarjento Park Jeonhun, Sarjento Choi Hee ho Sarjento Kim Juang Joon.  

Durante iha serimónia kondekorasaun ne'e Prezidente Repúblika, José Ramos Horta hatete, nu’udar Xefe Estadu ho hakruuk boot no lori nasaun tomak nia kondelénsia hato'o sentimentu hakuak boot ba família Militar husi Korea Súl ne'ebé sofre mós asidente mortal iha Oekussi.

“Ne’e duni nu’udar Timoroan kompriende hatene no sente sofrimentu família militár sira-nian. Ba família ne’ebé iha ne’e ha’u hakruuk ba imi, lori nasaun tomak nia kondelénsia, hakuak imi hamutuk ho imi tan neon ba vida sira asidente mortal iha Oekussi”, afirma Horta hafoin Kondekora Militar Korea Súl na'in-lima iha palásiu Prezidensiál Bairo Pite, segunda (08/08).

Kondekorasaun ida-ne'e iha Timor-Leste nia istória, tanba Timor mós família lubuk ida no Timoroan rihun ba rihun lakon vida, durante tinan 24.

“Ami mós família lubuk ida lakon Timoroan rihun ba rihun, durante tinan 24. Ne'e duni nu’udar Timoroan kompriende hatene no sente sofrimentu família militár sira-nian”, hatete nia.

Iha tempu ne'ebá elementu balun, forsa ba Paz ONU nian lakon sira-nia vida, Nova Zelándia mós lakon vida iha Suai, forsa Portugeza servisu elikopteru mós lakon vida iha asidente elikopteru iha Alas.

Ba elementu seluk hanesa forsa Pakistaun lakon vida bainhira tenta dezativa bomba besik iha Kristu-Rei, no elementu GNR ida mak mate iha Subaun, kauza asidente karreta bainhira fila husi Laleia, atu halo dezatuvasaun ba bomba antigu iha Laleia, purtantu Timor-Leste mós iha elementu internasionál balun militár, polísia no sivíl lakon sira-nia vida.

Repúblika Korea partisipa iha forsa da pas ONU nian ne’ebé mai iha Timor-Leste tuir INTERFET, depois forsa ba paz ONU nian UNTAET hahú iha 1999 to’o finál sai husi Timor-Leste iha 2003.

Embaixadór Korea iha Timor-Leste, Kim Jeong Ho hatete, nia parte agredese Prezidente Repúblika Timor-Leste mezmu okupadu bele realiza eventu ne’e, tanba liu ona tinan 19 maibé povu Timor sei nafatin hanoin sira-nia dedikasaun, domin ba Timor.

Tanba ne’e reprezenta Estadu Korea Súl fiar katak família sira mós bele sente domin ne’ebé povu Timor-Leste fó ba sira-nia oan na’in-lima no domin sira ne’e sei halo sira hakmatek bainhira fila ba Korea.

“Tanba sira-nia oan, família mate iha Timor mós la’ós saugate, fiar katak família sira sei sai amigu esterna ba Timor-Leste hodi hanoin nafatin ba Timor-Leste hanesan mós Timor-Leste hanoin ba sira-nia oan, reza ba Maromak atu Timor-Leste ho Korea sempre la’o hamutuk ba oin no to’o rohan laek”, afirma nia.

Reprezentante família kaben husi Koronel Park Jin Kyu, Jun Hyein Wife hatete, nia parte agradese ba Prezidente Repúblika no Primeiru Ministru, no membru Governu sira ne’ebé prepara seremónia, atu sira mai vizita fatin ida-ne’e, maske ho laran susar, maibé sente duni katak família, la’en, oan, aman nia mate sai duni baze fundasaun ba dezenvolvimentu Timor-Leste nian. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter