Print this page

MAPKOMS Aproveita Diálogu ho Komunidade Hodi Vizita Kondisaun Radiu Komunidade Same

Prezidente Administradór Munisípiu Manufahi (PAM), Arantes Isaac Sarmento, konversa hea ho Ministru ba Asuntu Parlamentár no Komunikasaun Sosiál (MAPKomS), Francisco Martins da Costa Pereira Jerónimo iha edifísiu Administrasaun Munisipál Manufahi. Prezidente Administradór Munisípiu Manufahi (PAM), Arantes Isaac Sarmento, konversa hea ho Ministru ba Asuntu Parlamentár no Komunikasaun Sosiál (MAPKomS), Francisco Martins da Costa Pereira Jerónimo iha edifísiu Administrasaun Munisipál Manufahi. Foto Suplay

Tempotimor (Dili)-Ministru ba Asuntu Parlamentár no Komunikasaun Sosiál (MAPKomS), Francisco Martins da Costa Pereira Jerónimo aproveita diálogu ho komunidade sira iha Munisípiu Manufahi halo vizita hod haree direta kondisaun Rádiu Komunidade 1912 Same.

“Objetivu husi vizita ne'e hodi hare no rona rasik kona-ba dezenvolvimentu iha Munisípiu no Rádiu refere”, deklara Ministru Francisco liuhusu pájina MAPKOMS ne'ebé www.tempotimor.com, asesu, segunda (08/08).

Husi deslokasaun MAPKOMS nian ba Munisípiu Manufahi mós la'ós de'it atu hala'o vizita maibé mós nu'udar Membru Governu Konstitusionál daualu ida ba Manufahi atu partisipa mós serimónia haloot restu mortais husi "Martires da Pátria" ne'ebé hala'o iha Osuáriu-Luak, Manufahi.

Nune'e tuir planu iha loron sábadu (06/08) MAPKOMS mós sei kontinua ba Suku Bubu-susu atu hala’o Diálogu ho Komunidade sira bazeia ba Programa Governu iha povu nia leet “Naroman Ba Suku” ne'ebé lansa husi MAPKOMS. (*)

Rate this item
(1 Vote)
Last modified on Monday, 08 August 2022 16:20
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items