Tuir informasaun ne’ebé www.tempotimor.com, asesu iha pájina MTKI, kuarta (03/08) katak, Ministériu Turizmu Komérsiu Indústria (MTKI) liuhusi Diresaun Nasionál Promosaun Turizmu no Relasaun Internasionál (DNPTRI)  ne’ebé lidera husi Diretór Antonio da Silva realiza enkontru ho ajensia, liña ministériál hanesan Instituisaun PNTL-Unidade Polísia Maritima (UPM), APORTIL, DNTT, MDF, no ajensia sira seluk atu halo preparasaun ba Ró Cruzeiro ne’ebé sei tula turista sira  mai vizita Timor-Leste.

Diretór DNPTRI, Antonio da Silva informa, ró cruzeiro PONANT husi Austrália sei tula pasajeiru hamutuk 160 mai vizita Timor-Leste durante loron rua nia laran ne’ebé iha loron dahuluk sei vizita Munisípiu Baukau, no loron daruak vizita munisípiu Dili. (*)