“Timoroan sira ne'ebé mak viajen ba estranjeiru, ho intensaun buka servisu ne'e sira uza sira-nia rekursu rasik, sira ba ho sira-nia inisiativa rasik, maibé sira nafatin Timoroan, entaun ita husu Governu, tenke halo intervensaun ba Ajensia sira ne'e, kontrola sira para bele haree sira-nia kondisaun mínimu, ne'ebé fasilita ita-nia joven no ita-nia sidadaun sira”, dehan nia ba jornalista sira iha Salaun FONGTIL, Kaikoli, tersa (02/08).
Nune’e, tenke minimiza risku sira ne'ebé kuandu sira to'o ona ema nia rain, ajensia sira hatene katak, sidadaun sira tenke ba servisu iha ne'ebé?, no se mak tenke sai sira-nia esponsór tenke loos atu evita, tanba sira ba ho risku ne'ebé mak mínimu.
Tanba sidadaun barak mak sei toba iha li'ur liliu iha ema nia rain, sei fó imajen la di'ak ba Estadu no Governu Timor-Leste nian.
“Ita to'o hetan problema sira hanesan ne'e sei afeta ba sira, no sira sei sofre liután, tanba imajen balun hatudu iha Facebook balun ba toba iha fatin sira ne'ebé la dignu sei fó prezudika ba sira-nia imajen Estadu nian, tanba atu oinsá mós ne'e nafatin ita nia maluk Timor”, hatete nia. (*)