Tuir Informasaun ne'ebé www.tempotimor.com, asesu iha pájina TIC TIMOR I.P, tersa (02/08) katak, ekipa tékniku Ajénsia Tecnologia da Informação e Comunicação, (TIC) TIMOR I.P, liuhusi Diresaun Infraestrutura hala’o Assessment iha edifísiu Sekretáriu Estadu Koorporativa (SEKOOP) ho nia objetivu hodi rekolla informasaun kona-ba utilizasaun ba ekipamentu nomós ligasaun ne’ebé SEKOOP uza, espasu ba Data Center, Ekipamentu IT ne’ebé eziste hodi nune’e tékniku sira bele halo verifikasaun.
Ofisial Rede TIC TIMOR, Henrique Fulgencio Guterres hatete, konfigurasaun ne’ebé TIC TIMOR halo bazeia ba nesesidade husi utilizadór.
Alende ne’e, informa mós ba ekipa SEKOOP katak, TIC TIMOR agora dadaun iha koneksaun direta husi Administrasaun Munisipál mai iha Ministériu Finansas.
Nune’e husu ba Funsionáriu SEKOOP ne’ebé destaka iha munisípiu hodi halo kooperasaun servisu ho ekipa Helpdesk TIC TIMOR nian ne’ebé servisu iha 12 munisípiu .
Tanba Assessment ida-ne’e sei kontinua filafali iha edifísiu SEKOOP Aitarak laran. (*)