Login to your account

Username *
Password *
Remember Me

Estrutura CASDT Munisípiu Covalima Preparadu Hasoru Eleisaun Parlamentár

Estrutura Partidu CASDT Nasionál hasai foto hamutuk ho estrutura Munisípiu Covalima iha Postu Administrativu Zumalai. Estrutura Partidu CASDT Nasionál hasai foto hamutuk ho estrutura Munisípiu Covalima iha Postu Administrativu Zumalai. Foto Suplay

Tempotimor (Dili)-Estrutura Partido Centro Ação Social-Democráta Timorense (CASDT) Munisípiu Covalima deklara preparadu hasoru eleisaun Parlamentár ne’ebé sei akontese iha tinan 2023.

Tanba ne’e, estrutura nasionál hasoru malu direita ho prezidente CASDT munisípiu Kovalima, hodi hala’o enkontru ba dahuluk iha Postu Administrativu Zumalai (Mape-Zumalai).

Enkontru ba dahuluk ne’e objetivu atu hala’o preparasaun ba sosializasaun no hametin estrutura hodi planu ba tomada pose ba estrutura munisípiu, postu administrativu, suku, to’o nível aldeia atu bele hakatak ba sosializasaun ne’ebé sei hala’o iha fulan-Setembru 2022.

Sekretáriu Jerál Partido CASDT, Gally Soares Araújo hatete, Partido CASDT laiha promesa maibé iha de'it kompromisu, katak ho preokupasaun ne'ebé povu Zumalai hato’o ona ba nasionál se responde wainhira povu fó fiar ba partido CASDT atinje barreira 4% liuhusi votu eleisaun.

Nune’e foinsa’e sira lalika lakon konfiansa ba partido CASDT, maske partidu ki'ik, maibé partidu ne'e nu'udar partidu joven ne'ebé nakonu ho foinsa’e sira, hamutuk ho joven lori partidu CASDT ba vitoria iha eleisaun parlamentár 2023.

Primeira konselleira partido CASDT, Aida Maria Osorio Soares afirma, Partidu CASDT kompete ona iha eleisaun parlamentár iha períodu 2017 maibé la konsege liu barreira, tanba ne’e husu atu iha eleisaun tinan 2023 joven sira bele hamutuk hodi lori vitória ba partidu CASDT.

“Ha’u husu ba feto maluk sira mai ita hamutuk hakbi’it no fó apoiu ba malu, liliu ba Partidu CASDT tanba partidu ne’e feto mak lidera”, hatete nia.

Tanba CASDT hamriik hanesan partidu polítiku to’o oras ne'e seidauk halo promesa falsu, tanba ne'e husu povu Zumalai tomak liliu feto sira labele haluha atu reforsa polítika partidu CASDT iha baze.

Reprezentante militante CASDT Postu Zumalai, Almerio Gomes Pereira hatete, maske seidauk simu pose maibé prontu atu servisu maka'as hodi hametin estrutura iha postu to’o aldeia hodi apoiu Partidu CASDT iha eleisaun parlamentar, ho esperansa Zumalai avansa ho CASDT. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter