Login to your account

Username *
Password *
Remember Me

MAPKOMS Husu TATOLI Kontinua Públika Informasaun Lalais no Kriedivél

Ministru ba Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo. Ministru ba Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo. Foto Suplay

Tempotimor (Dili)-Ministru ba Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo, husu Ajénsia Notisióza Timor-Leste, Institutu Públiku (TATOLI. IP) atu kontinua Públika Informasaun no notísia ne'ebé lalais no kriedivél ba públiku.

“Ha'u hanoin papel importante TATOLI nian mak ne'e, primeiru ha'u ko'alia dala-barak ona iha fatin-fatin liliu iha ne'e ha'u dehan TATOLI tenke sai mídia ida ne'ebé mak tenke lalais, kriedivél e nia tenke sai (duas ou três vezes) lalais liu mídia seluk iha Timor-Leste”, hatete nia hafoin partisipa serimónia Aniversáriu TATOLI.IP ba dala-6 iha Faról, sesta (29/07).

Ba Aniversáriu TATOLI-IP ne'ebé mak dadaun ne'e realiza ba dala-6 mak parte MAPKOMS mós hato'o parabéns ba Prezidente TATOLI-IP ho nia estrutura tomak nomós ba funsionáriu inklui mós jornalista sira hotu.

MAPKOMS espera Governu ida-ne'e no Governu foun kontinua fó atensaun ba TATOLI ne'ebé hanesan ajensia estadu nian, no Governu iha obrigasaun tau matan atu organiza no fó orientasaun nune'e TATOLI bele sai TATOLI ne'ebé ema hotu hakarak.

“Liliu iha Era ida agora ne'e era dijitál ha'u hanoin TATOLI mós iha difikuldade barak, iha situasaun ne'ebé mak mundu tomak la'o e ita-boot sira mós adapta situasaun ne'e entaun ha’u hanoin presiza ita hothotu nia atensaun e apoiu atu nune'e TATOLI ne'ebé ema hothotu nian”, afirma nia.

Tanba ajensia ne'e estadu nian entaun povu Timor-Leste hakarak haree ninia progressu servisu husi tinan 6 ba 7 ne'e atu halo saida, no tinan 8 ba tinan 9 atu halo saida e ba nomós bainhira to'o tinan 17 hanesan joven ida karik saida mak TATOLI atu halo tan.

Ajensia TATOLI nu’udar instituisaun estadu nian aleinde fó sai informasaun tenke sai mós sentru informasaun ba mídia sira seluk.

Tanba ne'e hanoin katak buat hirak ne’e sai hanesan dezafiu ida ba TATOLI no hein katak agora ba oin TATOLI bele lalais liután.

“Ne'e ha'u sempre dehan iha fatin fatin dehan katak TATOLI tenke lalais. Labele STL mak uluk tiha fali depois TATOLI hala'i tuir husi kotuk ne'e ita susar ona, ne'e ha'u halo komparasaun de'it, ne'e ita iha problema ona tanba saida, STL mak uluk fali TATOLI ikus, ninia informasaun, ou TATOLI ba foti fali informasaun husi mídia seluk mak tau fali iha TATOLI laran ne'e mós laloos ona”, hatete nia.

Tanba ajénsia TATOLI mós asesu ba orsamentu husi orsamentu Jerál Estadu ne'ebé povu nia osan, tenke heree didi'ak no tenke serví povu ho notísia no informasaun sira ne'ebé mak lalais nune'e povu mós bele akompaña saida mak akontese iha Timor-Leste ho lalais. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter