“Kona-ba submarinu ne'e ita iha prazu ida maibé ita-boot sira hein de'it tanba ida-ne'e la kleur hanesan uluk ita hein. Karik la'ós ona iha ha'u-nia tempu hanesan Primeiru Ministru mais nia sei to'o mai iha tempu badak, la to'o tinan rua bele tinan 2024”, dehan nia hafoin enkontru ho PR Horta iha Palásiu Prezidensial Bairo Pite, kinta (28/07).

Dadauk empreza ne'ebé manán projetu kabu submarinu ne'e, mak SACOM Timor-Leste, no sira halo ona sira-nia preparativu hodi komesa sira-nia servisu dada kabu submarinu mai Timor-Leste.

Tanba ne'e, espera tinan 2022 ne'e sei hakat ba tinan 2023 depois tama ba 2024 mak kabu submarinu mós sei to'o Timor-Leste. (*)