Login to your account

Username *
Password *
Remember Me

Governu Altera Dekretu-Lei ba Kriasaun Institutu Jestaun Ekipamentu

Emblema Institutu Jestaun Ekipamentu (IJE). Emblema Institutu Jestaun Ekipamentu (IJE). Foto Espesial

Tempotimor (Dili)-Governu liuhusi Konsellu Ministru (KM) aprova projetu Dekretu-Lei, ne’ebé aprezenta husi Ministru Obras Públikas, Abel Pires da Silva, ba alterasaun dahuluk ba Dekretu-Lei númeru 11/2006 loron 12 fulan-abril, kona-ba kriasaun Institutu Jestaun Ekipamentu Timor-Leste no aprovasaun ba ninia estatutu ida-idak.

“Objetivu husi alterasaun ne’e mak atu kompatibiliza estatutu IJE nian ho define ona iha Dekretu-Lei Organizasaun Administrasaun Direta no Indireta, ho Orgánika Governu Konstitusionál VIII no konfere kompeténsia foun sira ne’ebé sei permite hodi aumenta rekursu sira IJE nian hodi hadi’a servisu públiku neébé Estadu fó ba sidadaun sira”, dehan Ministru Prezidénsia Konsellu Ministru, Fidelis Leite Magalhães iha Palásiu Governu, kuarta (27/07).

Daudaun ne’e atribui hela kompeténsia no atribuisaun sira ne’ebé IJE sira halo durante tinan barak hodi apoiu situasaun oioin ne’ebé presiza intervensaun lalais hodi hadi’a filafali tráfegu rodoviáriu ho seguru no evita inundasaun liuhusi limpeza no normalizasaun mota sira.

Ba Instituisaun ida-ne’e iha ekipamentu ne’ebé presiza ba realizasaun tarefa sira-ne’e, no iha mós koñesimentu tékniku no esperiénsia iha terrenu hodi bele realiza, hanesan parte ida husi sira-nia atribuisaun, la’ós de’it tarefa sira ne’ebé prevee ona, hanesan jestaun ba ekipamentu pezadu sira, maibé mós halo atividade manutensaun ba estrada sira, hasai rai-henek no hamoos estrada sira, hasai rai-henek no hamoos mota sira, no halo estabilizasaun ba mota-ninin no bareira sira.

“Ho diploma ne’e, mak estabelese ona figura Diretór Ezekutivu, ho kompeténsia ba diresaun no jestaun servisu IJE nian tuir diretrizes sira husi ninia Konsellu Administrasaun”, afirma nia.

Tanba atribui kompeténsia ba Prezidente Konsellu Administrasaun IJE hodi bele aprova despeza, bele autoriza no aprova aprovizionamentu no bele asina kontratu sira tuir lei. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter