“Ohin mai ho kolega diretór husi Dioseze-tolu, nomós amu pároku Lolotoe nian ho estrutura no ami-nia konselleiru maun Nico. Iha pontu haat ne'ebé ami hato'o. Ne'e duni sua eselénsia fó opiniaun sira ne'ebé kontribui tebes ba atividade sira ne'e nia implementasaun, espera katak ho sua eselénsia ninia disponibilidade ho ninia dispozisaun tomak atividade sira hotu bele la'o ho di'ak”, dehan nia hafoin audénsia ho PR Horta iha Palásiu Prezidensiál, Bairo Pite, kuarta (27/07).

Ba atividade sira ne'ebé mak atualiza ba Prezidente Repúblika, dahuluk kona-ba Komisaun Nasionál Juventude Katólika Timor-Leste, ninia ejisténsia tanba foin primeira-vez Komisaun ida-ne'e ejiste iha uma kreda Katólika Timor-Leste nian.

Nune'e atualia mós ba Xefe estadu kona-ba jornada Nasionál juventude Katólika nian ne'ebé sei hala'o iha parókia Lolotoe, tanba oras ne'e dadaun kruz Joven iha ne'ebá hela.

Dadauk ne'e Diretór Komisaun Juventude Katólika Arkidioseze, no Prezidente Katólika Dioseze Maliana, inklui mós Prezidente Komisaun Juventude Katólika Dioseze Baukau servisu maka’as hamutuk ho estrutura Koopera ho SET kona-ba atu halo jornada Mundiál juventude Igreja Partikular ne'ebé sei hala'o iha fulan-abril 2023.

Nune'e mós informa ba Xefe Estadu kona-ba jornada Mundiál juventude Katólika nian ne'ebé sei hala'o iha Lisboa-Portugal iha fulan-agostu tinan 2023.

Husi atividade hirak ne'e, mak Prezidente Repúblika mós hato'o lia-menon katak ko'alia kona-ba asuntu juventude ninian, husu nafatin igreja liliu Komisaun Juventude Katólika no diretór sira, atu kolabora nafatin ho Prezidénsia Repúblika iha kualker momentu ne'ebé Komisaun sira presiza atu hasoru atu ko'alia buat ruma entermu ba asuntu juventude ninian, tanba Prezidente Repúblika prontu nafatin atu atende. (*)