Login to your account

Username *
Password *
Remember Me

MAE Aseita Reativa Postu Kelikai Antiga

Xefe suku na’in-5 foto hamutuk ho MAE, Miguel Pereira de Carvalho hafoin audensia, (27/07). Xefe suku na’in-5 foto hamutuk ho MAE, Miguel Pereira de Carvalho hafoin audensia, (27/07). Foto Suplay

Tempotimor (Baukau)‐Ministru Administrasaun Estatál (MAE), Miguel Pereira de Carvalho liuhusi audénsia ho Xefe Suku na'in-5 husi Postu Administrativu Kelikai, Munisípiu Baukau aseita ona atu reativa Postu Administrativu Kelikai antiga.

Iha loron 26 fulan-jullu tinan-2022, MAE, Miguel Pereira de Carvalho akomapaña husi Diretór Jerál Dezentralizasaun Administrativu, Diretór Nasionál Administrasaun Lokál, inklui Xefe Gabineti halo audénsia ho Xefe Suku na'in-5 husi Suku Afaça, Namanei, Guruça, Uaitame, inklui Abafala atu reativa hikas Postu Kelikai antigu.

Xefe Suku na'in-5 entrega proposta ba MAE atu halo sosializasaun ba komunidade husi Suku 5.

Tanba, Autoridade lokál hahú esforsu husi mandatu primeiru Governu halo levantamentu atu reativa hikas Postu Kelilai Antigu, maibé lakonsege.

Nune'e, autoridade husi Suku unidade 5 aprezenta hikas levantamentu hirak ne'ebé antes ne'e halo ona ba Governu liuhusi audénsia públiku ho MAE hodi reativa hikas Postu Kelikai antiga.

Autoridade husi Suku unidade 5 aprezenta mós dokumentus hanesan livru boot ida ho Títulu Unidade Cinco (5) Postu Kelikai Antiga.

"Ministru aseita 100 pursentu ba Postu Kelikai antigu atu reativa fila fali sai hanesan Postu Administrativu ida, tanba ne'e fó ona servisu atu fó sai karta komvite ba, Veteranu, intelektuais sira komunidade tomak ami sei halo ami sei halo enkontru," informa Xefe Suku Afaça, Joaquim Fernandes Ximenes.

Orientasaun husi MAE, parte Suku husi Unidade 5 remata enkontru ho entidades hotu iha Suku, manda hikas karta koñesementu ba MAE hodi halo konsulta públiku no aprezenta hikas rezultadu konsulta públiku nian ba Konsellu Ministru (KM) hodi aprova hafoin lansa fatuk dahuluk reativa Postu Kelikai antigu nian.

Kelikai antiga estabelese iha tinan-1920 iha Ossolari Tekinaumata Laga no muda fali ba área Ukaminu Afaça, kontinua muda ba área Uasufa no muda tán ba área durulari Afaça.

Tuir istoria, iha tinan-1921, tempu ukun husi Governadór Manuel José Menezes Fernades Costa nomeia Xefe Postu Kelikai antigu Domingos Barros, maibé la kleur nomeia fali Xefe Postu Kelikai foun Caldas to'o mandatu remata, nomeia tán Xefe Postu foun António Rato to'o mandatu remata troka tán Xefe Postu foun Matos Silva, maibé iha loron 27 fulan-janeiru tinan-1934 Governu rahun hodi Luis Pereira sai Xefe Postu iha Kelikai antigu hahú husi tinan-1934 to'o tinan-1957.

"Depois iha momentu arollamentu, muda fali Kelikai antigu ba iha fatin Koribudae, konsellu komandu Armando Correia nia tempu mak sai konsellu komandu Baukau nian la'o to'o agora," nia haktuir. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter