Login to your account

Username *
Password *
Remember Me

Autoridade Baukau Sei Kontrola Transporte Públiku Simu Subsídiu Husi Governu

Karreta Mikrolet para hela iha estasaun Mina hodi simu Subsidiu. Karreta Mikrolet para hela iha estasaun Mina hodi simu Subsidiu. Foto Tempo Timor

Tempotimor (Baukau)‐Autoridade Munisípiu Baukau hamutuk ho Diresaun Nasionál Transporte Terestre (DNTT) no Polísia Nasionál Timor-Leste (PNTL) sei kontrola transporte públiku sira ne'ebé simu ona subsídiu kombustível husi Governu.

Sekretáriu Munisípiu Baukau, Simão Marques Pinheiro hatete, Autoridade Munisípiu Baukau hamutuk ho DNTT, asegura ona otavu Governu Konstituisionál nia polítika tuir rezolusaun iha dekretu-lei númeru18/2022 intervensaun ba folin sa'e iha postu abastesementu sira hodi fó apoiu kombustível litru-150 ba kada transporte públiku.

Tanba Subsídiu ne'e atu kundotór sira muda hikas tarefa pasajeiru nian ba normalidade tuir regra DNTT nian ne'ebé antes aplika ona iha momentu folin kombustível seidauk iha aumenta.

“Autoridade Munisípal servisu hamutuk ho DNTT, tránzitu sira para kontrola ita-nia transporte públiku sira halo sirkulasaun iha área Munisípiu Baukau nian”, dehan nia iha Postu Abastesementu, Ficelia Fuel Unipesoal, Lda, Triloka, tersa (26/07).

Autoridade Baukau mós alerta ona ba Autoridade Postu Administrativu sira atu kontrola transporte públiku ne'ebé aplika kustu tarefa pasajeiru la tuir regra DNTT nian atu alista transporte refere nia sapa matrikula hodi halo keixa iha DNTT Baukau inklui parte PNTL sesaun Tránzitu.

Diretór DNTT Baukau, Roberto da Cruz afirma, benefisiáriu subsídiu kombustível ba transporte públiku nian iha Munisípiu Baukau hamutuk 479 kompostu husi Mikrolete, Angunan inklui Bus, nune'e

komesa husi loron 27 fulan-jullu tinan-2022, aban, kada transporte públiku sei aplika hikas tarefa pasajeiru nian tuir regra DNTT nian ne'ebé antes aplika ona momentu folin kombustível seidauk sa'e, maibé mak parte DNTT hetan keixa husi komunidade sira katak kontinua hasa'e tarefa pasajeiru kada pasajeiru ida Dili Baukau kontinua selu US$5 mak sei aplika sansaun.

“Primeiru, ba karta kondusaun iha wainhira supir rasik mak halo sei hasai husi DNTT, segundu patraun mak haruka nia lisensa ami sei kansella”, esplika nia.

Parte fornesedór, Diretór Kompaña Ficelia Fuel unipesoal, Lda, Adolfo José da Costa hatete, lista transporte públiku ne'ebé aprezenta husi DNTT Baukau hamutuk 479, nune'e parte fornesedór prepara kombustível hamutuk 20.000 mil litru kompostu husi Gasoel no Gazolina.

“Ita espera bele rezolve hotu, tanba totál 479, ne'e lista ne'ebé iha, ne'ebé ita espera bele to'o”, afirma nia.

Maibé iha mós problema, tanba postu abastesementu sira sosa kombustível iha Sentru abastesementu nasionál fó limitasaun kada postu abastesementu sosa litru 5000 kada loron.

“Sé ida-ne'e mak akontese, husi transporte sira atu koopera ho kompaña atu prosesu ne'e la'o ho di'ak, ita-nia hakarak sira (transporte) nia direitu to'o iha sira-nia liman”, informa nia.

Na'in ba transporte públiku diresaun Vila Nova ba Vila Antiga (dalam kota), Manuel Cabral, sente kontente ba apoiu kombustível husi Governu, tanba bele reduz ona preukupasaun kombustível nian kada loron.

“Ha'u sei fó hatene ha'u-nia kundutór labele kontra regra husi DNTT nian, tenke tuir kota lama kota baru estudante selu US$0.15 (15 sent), pasajeiru bain bain selu US$0.25 (kuarter). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter