Print this page

KFP Sei Promove Funsionúria Públiku Na’in-866

Prezidente Komisaun Funsaun Públika (KFP),  Faustino Cardoso. Prezidente Komisaun Funsaun Públika (KFP), Faustino Cardoso. Foto Suplay

Tempotimor (Dili)-Prezidente Komisaun Funsaun Públika (KFP),  Faustino Cardoso informa, funsionária Públiku hamutuk ema na’in-866 sei hetan promove iha tinan 2022 nia laran.

“Ohin mai atualiza mós ba Xefe Ezekutivu kona-ba promosaun ba funsionáriu públiku sira iha tinan ne’e, ne’ebé sei hahú iha loron 08 agostu no sei konkorre husi KFP na’in-7.000 no na’in-866 mak sei promovidu ho ajustamentu salariál hahú janeiru 2023”, dehan Faustino Cardoso, iha Rezidénsia ofisiál PM, Farol, tersa (26/07).

Nune'e mós atualiza ba Primeiru Ministru kona-ba kestaun servisu inspetória nian no kestaun efikásia servisu sira atu kontrolu internu ne’e la’o ho di’ak hodi asegura boa governasaun, asegura komprimentu ba regra.

Aleinde ne’e kona-ba tutela administrativa, hahú kedas hosi situasaun Rejiaun Administrasaun Espesiál Oekussi Ambeno (RAEOA) no administrasaun indireta sira.

“KFP asegura ba Xefe Governu ba implementasaun polítika boa governasaun nian katak KFP servisu hamutuk ho instituisaun sira seluk hanesan, Komisaun Antí-Korrupsaun (KAK), Provedória Direitu Umanu no Justisa (PDHJ), Inspetória Jerál Estadu (IGE), no Patrimóniu Estadu hosi Ministériu Finansa atu haree jestaun kona-ba funsionáriu hotu kumpre Rezolusaun Governu kona-ba estasionamentu veíkulu Estadu no evita uzu individuu ba patrimóniu públiku”, afirma nia.

Aleinde ne'e mós, Prezidente KFP aproveita hato’o kestaun kona-ba rejime kontratasaun ba Primeiru Ministru (PM), Taur Matan Ruak.

“Governu presiza haree ona polítika ida asegura sistema kontratasaun ne’ebé hanesan iha nível funsaun públika. Tanba ohin loron Timor-Leste seidauk iha regra ida ba rejime kontratasaun ne’ebé bele aplika hanesan ba hothotu”, afirma nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items