Login to your account

Username *
Password *
Remember Me

Asesór PR ‘Deskonfia’ iha Autór Fasilita Populasaun 6.000 Husu Apoiu

Asesór Polítika Prezidénsia Repúblika (PR), Tomas Cabral. Asesór Polítika Prezidénsia Repúblika (PR), Tomas Cabral. Foto Suplay

Tempotimor (Dili)-Asesór Polítika Prezidénsia Repúblika (PR), Tomas Cabral hatete, sira-nia parte deteta ona autór ne'ebé deskonfia fasilita populasaun hamutuk rihun-neen (6.000) hodi hato'o proposta subsídiu iha palásiu Prezidensiál.

“Iha ema-ruma ne'e mak ohin adjunta no ha'u mós fó hatene iha uma-ruma iha semana liubá kotuk Prezidente laiha sira buka hatene ona, e sei buka hatene liután tanba buat ne'e ita bele ko'alia buat balun, e ida segredu estadu nian ita labele ko'alia sai ba públiku mais situasaun ida-ne'e sei buka tuir”, dehan nia liuhusi konferénsia Imprensa iha Palásiu Prezidensiál Bairo Pite, tersa (26/07).

Prezidénsia Repúblika akompaña atividade Prezidensiál nian durante fulan-rua nia-laran haree no tetu prezensa komunidade nian iha resintu Prezidensiál ne'ebé aumenta loroloron, ligadu ba joven ho estudante sira, feto-mane, inan-aman balun, hodi halo aproximasaun atu hatama proposta ba Prezidénsia hodi bele hetan tulun-ruma ba sira-nia nesesidade.

Maibé Prezidénsia Repúblika nu’udar orgaun estadu númeru 1 nian, ho nia papél atu garante kumprimentu ba konstuisaun, garante unidade no estabilidade Nasionál, no promove dezenvolvimentu funsaun instituisaun Demokrátiku estadu nian no atu mantein fiel kumprimentu ba kna’ar estadu tomak nian no respeita ba separasaun poder sira.

Tanba ne'e Prezidénsia Repúblika liuhusi konferénsia Imprensa ne'e, komunika ba líder sira no autoridade komunitáriu sira, liliu Prezidente autoridade Munisípiu sira, administradór Postu sira, Xefe Suku no Xefe aldeia sira hotu, katak Prezidénsia laiha orsamentu disponível atu atende ba pedidu ka proposta sira ne'ebé maihusi komunidade sira.

Maske proposta ne'ebeémak tama ona iha Prezidénsia kuaze rihun-6 Resin maibé ne'e liuhusi diskusaun no avaliasaun téknika no liuhusi orientasaun superior Prezidente Repúblika ne'ebé sei organiza pedidu sira-ne'e hodi re-enkamiña ba instituisaun relevante atu bele fó resposta perante situasaun espesionál sira balun, ho karakter urjente no fundamentu umanitariu.

Iha ne'e Prezidénsia Repúblika sei konsidera hodi alivia situasaun refere ho kbi'it ne'ebé iha, Prezidensia sei konduz levantamentu daduz no avaliasaun téknika atubele haree possibilidade atu apoiu ou koordenadór ho instituisaun komponente sosiedade empezariál ka Organizasaun Naun Governametál karik bele fó asisténsia.

“Prezidénsia Repúblika apresia kooperasaun no apoiu husi maluk sira hotu, liliu Lideransa Komunitáriu sira, atubele transmite mensajen ba ita-nia povu kona-ba asuntu refere ho loloos”, hatete nia. (*)

Rate this item
(2 votes)
Last modified on Tuesday, 26 July 2022 17:18
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter