“Buat balun ha'u lakohi ko'alia iha públiku tanba prosesu ne'e tenke trata ho deskrisaun, ho dignidade. Laiha problema, iha tempu ruma ita sei rezolve ida-ne'e”, dehan Horta iha salaun VIP Aeroportu Internasional Prezidente Nicolao dos Reis Lobato, Dili, segunda (25/07).
Tanba dala-ruma problema ida-ne'e husi inisiu to'o agora la hetan solusaun tanba ema balun iha rai-laran ko'alia maka’as entaun difikulta prosesu ne'e labele la'o.
Maibé ba situasaun hirak ne'e parte palásiu Prezidensiál Repúblika no Governu mós sei kontinua hamutuk hodi haree dalan oinsá mak atu rezolve hodi lori fila saudozu nia réstu mortais entrega ba estadu Timor-Leste.
“Dala-ruma buat ne'e lala'o tanba balun iha ai-laran ko'alia demais, entaun ha'u-nia staf, Governu-nia staf, ami haree diskletamente situasaun ne'e, e ne'e sei la'o, la-haluha ita-nia eroi boot-ida eh tempu to'o ona para lori nia restu mortais mai deskansa iha rai doben ida-ne'e”, afirma nia. (*)