Tuir informasaun ne’ebé www.tempotimor.com , asesu iha pájina MAE, sesta (22/07) katak, Vise Ministru Administrasaun Estatal ho Prezidente Autoridade Munisípiu Bobonaro, halao enkontru hamutuk ho Lideransa komunitária iha Postu Administrativu Maliana, Munisípiu Bobonaro, iha salaun Administrasaun Munisipiu Bobonaro.

Objetivu husi enkontru ne'e atu partilha informasaun husi Governu Sentral no atividade ne'ebé maka Relasiona ho Ministériu Administrasaun Estatal, hodi implementa iha Postu Kailaku hanesan sirkulasaun osan estadu, projetu konstrusaun uma Kbi'it-Laek regular no UKLPlus husi PNDS, PMOPA, PMOHA, Sesta Bázika, Bolsa da Mae, Eleisaun Parlamentar, no Eleisaun Lideransa komunitária, ikus liu hodi rona perkupasauan husi Lideransa Postu refere infrenta durante sira hasoru iha Postu Maliana.

Vise Ministru mós husu atu Lideransa iha Munisípiu Bobonaro hodi partisipa másimu iha programa servisu ne'ebé husi Governu liuhusi Ministériu Administrasaun Estatal hodi hala’o enkontru ruma.

Iha Lei númeru 9/2016 hatete klaru ona kona-ba Lideransa Komunitária ho nune'e kompeténsia Lideransa komunitária husi A to Z hodi bele aselera no koordena hamutuk servisu di’ak liután ho Governu sentrál.

Enkontru refere partisipa no marka prezensa mós husi, Sekretáriu Munisipiu Bobonaro, Administradór Postu Administrativu Maliana, Lia-Na’in, Veteranu, Joventude, Estudante, Konselu Suku, Komunidade iha Postu refere, no Lideransa Komunitária iha Postu Maliana. (*)