Login to your account

Username *
Password *
Remember Me

Horta Sei Termina Vizita Indonézia iha Kupaun

Prezidente Repúblika, José Ramos Horta hato’o palestra iha Uuniversidade Indonézia, Depok, jawa osidentál, 19 jullu 2022. Prezidente Repúblika, José Ramos Horta hato’o palestra iha Uuniversidade Indonézia, Depok, jawa osidentál, 19 jullu 2022. Foto Suplay

Tempotimor (Jakarta)-Prezidente Repúblika (PR), José Ramos Horta, sei termina vizita iha Kupang, Nusa Tengara Timur,  liuhusi sorumutuk ho Governadór Viktor Bungtilu Laiskodat, hafoiun hala’o vizita estadu ba Indonézia ne’ebé hala’o iha loron segunda (18/07).

Iha vizita Prezidente Repúblika, Horta looron segunda oras 21:00, to’o iha Jakarta hodi halo Vizita Estadu. Iha Aeroporto Soekarno-Hatta, Xefe Estadu ne’ebé akompãna husi Ministra Negósius Estranjeirus, Adalgiza Magno, Ministru Agrikultura no Peskas, Pedro Reis no Embaixadór Timor-Leste ba Indonézia, Filomeno Aleixo, simu husi Ministru Obras Públikas Indonézia, Basuki Hadimuljono.

Tuir ajenda, ne’ebé iha loron tersa, Prezidente Repúblika, José Ramos-Horta simu husi nia omólogu, Joko Widodo, hodi ko’alia kona-ba relasaun bilaterál entre nasaun rua no kontinua hasoru malu ho eis Prezidente Repúblika Indonézia, Susilo Bambang Yudhoyono.

Xefe Estadu mós iha enkontru ho dirijente sira husi Universidade Indonézia (UI), hodi ko’alia kona-ba kooperasaun sira iha setór edukasaun no kalan, jantar konfraternizasaun hamutuk ho intelektuál no jornalista sira Indonézia nian.

Iha loron kuarta, Prezidente Repúblika hasoru malu ho Koordenadór Organizasaun Islámika Nahdatul Ulama no vizita mós edifísiu “Pusat Dakwa Muhammadiyah”.

Iha parte lokraik, Xefe Estadu vizita “Universidade Islam Negeri Jakarta” (UIN), no atende entrevista iha Kompas TV no Metro TV, hodi ko’alia kona-ba relasaun Timor-Leste ho Indonézia, ho ASEAN nomós situasaun jerál polítika iha rai-laran.

Prezidente José Ramos-Horta sei hasoru malu mós ho responsável sira Universidade Katólika Indonézia no Iha 22 Jullu, Xefe Estadu sei hasoru malu ho Diplomata Indonézia, Dino Pati Djalal no termina  vizita iha Kupang, Nusa Tengara Timur,  liu husi sorumutuk ho Governadór Viktor Bungtilu Laiskodat. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter