Tuir informasaun ne’ebé www.tempotimor.com, asesu husi MOP, tersa (19/07) katak, iha reuniaun ne'e atualiza submisaun ezekusaun orsamentu projetu Fundu Infraestrutura (FI) no Liña Ministériu (LM), kontinua update progresu Dezeñu Enjeñária Detalladu (DED) ba projetu estrada pakote 12 no ponte inklui progressu pagamentu sira.
Iha-ne’e atualiza mós progresu preparativu DED ba ponte Lamara, ponte Dilór, ponte Welolo, ponte Irabere no ponte Bilimau antes ba preparasaun aprovasaun.
Aliende ne'e, atualiza mós progresu dezeñu detalladu ba ponte foun Bekussi, update projetu emerjénsia no kalamidade nian, ikus liu update mós progresu ba projetu impréstimu no projetu sira ne'ebé daudauk ne'e la'o hela.
Iha reuniaun ne'e hanesan reuniaun semanál ne'ebé hala'o kada semana iha loron segunda hodi atualiza progresu servisu sira ne’ebé hala’o. (*)