Tuir informasaun ne’ebé www.tempotimor.com asesu iha pájina MOP, sesta (15/07) katak, iha reuniaun ne'e diskute liu problema no defikuldade ne'ebé hasoru iha implementasaun projetu sira.
Iha reuniaun ne'e vise Ministru MOP, Nicolau Lino Freitas Belo, hamutuk ho ekípa inspesaun ba konstrusaun estrada sira relata progressu implementasaun projetu sira ba KAFI.
Reuniaun ne'e lidera direita husi Vise Primeiru Ministru no Ministru Planu no Ordenamentu (V-PM no MPO), José Maria dos Reis, nu'udar Prezidente KAFI, partisipa husi MOP no Vise rasik, Ministru Finansas (MF), Rui Augusto Gomes, Ministru Transporte no Komunikasaun (MTK), José Agostinho da Silva, Direitór Ajénsia Dezenvolvomentu Nasionál (ADN), Mariano Reinato Da Cruz, Diretora Nasionál Aprovizionamentu, Odete Vitór, Diretór Estrada, Ponte no Kontrolu i Seias (DNPCC), Milton Ramanata de Castro Monteiro, Diretór Jerál Obras Públikas (DJOP), Rui Hernanio Guterres, no tékniku sira. (*)