“Ohin ha’u akompaña sua eselénsia Prezidente Repúblika atu simu kredensiál husi país-rua, ida husi Brunei-Burusalam no ida husi Reinu España”, dehan Ministra Adaljiza iha palásiu Prezidénsia Repúblika, Bairo Pite, Dili, sesta (15/07).

Hafoin simu karta kredensiál, Xefe Estadu ho embaisadór  Brunei-Darusalam no Reunu-España deside ko’alia mós asuntu bilaterál entre Timor-Leste ho País rua refere.

“Depois de aprezenta sira-nia karta kredénsial, ami ko’alia oituan kona-bá asuntu bilateral”, esplika nia.

Ba akordu bilaterál entre Timor-Leste ho Brunei ne’e atu kontinua atualiza filafali kona-ba kompromisiu ne’ebé mak foin dadauk Governu liuhusi Ministériu Negósiu Estranjeiru no Kooperasaun halo iha Brunei, ne’ebé mak asina ona akordu servisu áereu nian ida ne’ebé Governu liuhusi Konsellu Ministru ho Parlamentu ratifika.

Husi akordu bilaterál áeru ne’e dadauk Brunei mós halo hela sira-nia prosesu doméstiku, no bainhira bele prosesu administrasaun hotu ona mak hein aviaun rua iha Brunei sei semo ho regulármente mai Timor-Leste, hanesan saida mak akontese ona iha akordu Timor-Leste entre Quantas-Austrália.

Nune’e Brunei mós iha planu kontinua iha kompromisu hakarak halo kooperasaun ho Timor-Leste iha área saúde nomós edukasaun.

“Purzemplu iha edukasaun, sira uluk kedas fó bolsu estudu ba ita, maibé tanba sira repeirman ou ejizensia as liu, sira presiza ILS mínimu 6.5 ou 7, maiória sira husu 7, tanba sira ko’alia inglés ne’e, entaun foin dadauk ha’u iha ne’ebá ha’u husu ha’u-nia omólogu, se bele hanoin fó fasilidade ba timoroan ne’ebé mak hanesan pasa entaun fó hanesan kursu de preparasaun antes tama iha universidade, fulan tolu ka fulan-neen, e sira aseita”, hatete nia.

Maske Estau Brunei kontinua fó bolsu estudu mai maibé Timor nia rekezitu mak la to’o sira-nia estandar, tanba ne'e dever estadu mós husu ona para sira bele hamenus, estandar labele as maibé sira ba ne’ebá mak bele halo kursu preparasaun.

Iha-ne'e diskute mós Kooperasaun área saúde nian, tanba iha Brunei baratu oituan, nune'e hanoin katak rai-rua ne’e presiza halo negosiasaun iha área saúde nian, nune'e iha posibilidade Timor-Leste haruka sira-nia pasiénte ba ne’ebá tanba ladún dook no baratu liu.

Purtantu Prezidente Repúblika mós halo enkontru ho embasadór Reinu españa, iha ne'ebé ko'alia kona-ba oinsá hametin nafatin relasaun bilaterál.

“Hanesan ita hatane katak sira iha embaisada iha Jakarta nou-rezidénsia mak iha Timor, ami ko'alia barak liu kona-ba oinsá rai rua ne’e bele halo diálogu polítiku, tinan-tinan iha nivél senior oficcer to’o ministeriál nomós haree kona-bá oinsá investimentu rai ne’ebá nian mai Timór, bele karik sira bele sujere ba trading invest”, afirma nia.

Iha ne'e, Prezidente Repúblika mós sujere ba embasadór Reunu España atubele apoiu kandidatu Timór nian ba Konsellu Diretu Umanu. (*)