Print this page

Alkatiri Kritika Horta Uza Farda F-FDTL, Lere 'Defende'

Tenente Jenerál Reformadu Lere Anan Timur kaer Liman ho Prezidente Repúblika (PR), José Ramos Horta iha palásiu Prezidensiál Bairo Pite, kinta (14/07). Tenente Jenerál Reformadu Lere Anan Timur kaer Liman ho Prezidente Repúblika (PR), José Ramos Horta iha palásiu Prezidensiál Bairo Pite, kinta (14/07). Foto Suplayu

Tempotimor (Dili)-Tenente Jenerál Reformadu Lere Anan Timur, defende Prezidente Repúblika (PR), José Ramos Horta, uza farda Forsa Defeza Timor-Leste (F-FDTL), tanba komandante supremu forsa armada bele hatais farda, maske hetan krítika husi Sekretáriu Jerál FRETILIN, Mari Bim Amude Alkatiri.

“Ne'ebé balun dalaruma kestiona foin dadauk Prezidente Repúblika ba Kuartel Jenerál ka la'e?. Ha'u hatene imi haree, nia hatais farda, dala-ruma Sekretáriu Jerál ha'u-nia partidu (FRETILIN), doutor Mari krítika. La'ós dehan nia labele hatais farda, farda mak sala, podia loloos hatais farda ida kala, serimónia ninia ne'e, ba hatais fali komandante nian ne'e. Ema bele, ema ne'e atu ba tiru malu ka saída, nia ne'e premiadu nobel da paz, agora ba fali tiru malu fali, ne'e mak sala, iha ne'e mais bele, ne'e kualker komandante supremu forsa armada ne'e bele hatais farda, ne'e sé mak dehan labele”, hatete nia iha Palásiu Prezidensiál, Bairo Pite, kinta (14/07).

Tanba iha nasaun sosialista balun, ne’ebé Ministru Defeza ne'e tau fitun mak ba Ministru Defeza, no iha pais sufisiénte sira hanesan Xina no Russia sira ne'e laiha mós, iha fatin balun iha.

“Ida-ne'e mak ha'u hanoin katak ne'e la'ós problema, laiha impaktu ba kualker prosesu iha rai laran”, hatete nia.

Maibé iha asuntu balun ne'ebé mak bele ko'alia sai ba Prezidente Repúblika, maske nia lakohi atu forsa bara-barak iha ninia sorin, maibé tuir loloos tenke iha F-FDTL husi Kompaña prevensaun tanba ne'e liga ho dignididade palásiu prezidensiál.

Tanba membru F-FDTL sira la'ós mai loroloron la'o hamutuk ho Prezidente Repúblika ne'e la'e, maibé Prezidénsia tenke iha forsa rezerva ida iha-ne'e, nune'e bele uza.

“Purzemplu ba embaisada ka embaisadór ruma mai simu akreditasaun ou señor Prezidente ba rai-liur, uza de'it kompaña ida ne'ebé prevensaun ninian ne'e. Porque ita kompriende irmaun Prezidente Ramos Horta la'ós hanesan kualker Prezidente porque nia ne'e premiadu nobel da Paz”, hatete Lere.

Nune'e Lere rasik mós atualiza ba Xefe Estadu hanesan mós komandante supremu ida haree kona-ba dezenvolvimentu forsa armada no planu forsa armada, tanba iha planu ka estudu 2020 hatete programasaun militar iha ona maibé seidauk dezenvolve forsa armada.

“Hanesan uluk-uluk ha'u dehan katak ita-nia prioridade mak tenke iha kapitál umanu, iha forsa armada, siknifika katak ita tenke kapasita ita-nia ofisiáis sira, atubele matenek, iha vizaun ba dezenvolvimentu Forsa Armada ninian”, afirma nia. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items