Print this page

Aban, Xanana Sei Hasoru Horta iha Palásiu Prezidensiál

Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão, kaer liman hamnasa ho Prezidente Repúblika (PR), José Manuel Ramos Horta. Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão, kaer liman hamnasa ho Prezidente Repúblika (PR), José Manuel Ramos Horta. Foto Suplay

Tempotimor (Dili)-Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão, aban loron-sesta (15/07) sei hasoru malu Prezidente Repúblika (PR), José Manuel Ramos-Horta iha Palásiu Prezidénsia Repúblika, Bairo Pite, Dili.

Tanba Xanana Gusmão ne’ebé dadaun ne’e asume mós kargu husi Estadu Timor-Leste hanesan Pesoál Eminente G7+, no Xefe Negosiadór Prinsipál ba Delimitasaun Fonteira Maritima.

Tuir ajenda ne'ebé mak fó sai husi Gabinte Prezidente Repúblika katak, audénsia entre Líder Partidu CNRT Xanana Gusmão ho Ramos Horta sei hala'o iha tuku tolu lorokraik.

“Ajenda, Prezidente Repúblika, José Ramos-Horta. Loron, sesta-seira, 15 Jullu 2022. Oras 15:00-Prezidente Repúblika, José Ramos-Horta, enkontru ho Maun Boot Kay Rala Xanana Gusmão, iha Palásiu Prezidensiál”, deklara ajenda ne'ebé www.tempotimor.com asesu husi Gabinete Prezidente Repúblika, kinta (14/07).

Maibé husi ajenda refere bainhira iha mudansa ruma, sei hetan informasaun Gabinte Prezidente Repúblika ba mídia ne'ebé mak hakarak atu halo kobertura. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items