Print this page

PD Konsidera Ezisténsia Governu Daualu Fazil iha Liña Koordenasaun

Deputadu Bankada Partidu Demokrátika (PD), Antonio da Conceição ‘Kalohan’. Deputadu Bankada Partidu Demokrátika (PD), Antonio da Conceição ‘Kalohan’. Foto Suplay

Tempotimor (Dili)-Deputadu Bankada Partidu Demokrátika (PD), Antonio da Conceição ‘Kalohan’ Konsidera ezisténsia Governu daualu iha Períodu tinan haat nia laran liña kordenasaun frazil.

“Hahú ho ezisténsia VIII Governu nian ho nia aktu governativu iha períodu tinan haat nia laran, ha'u bele afirma ita-nia estadu Timor-Leste sei iha invias de dezenvolvimentu, invias de konstrusaun do estadu dos orgaun soberania ita-nia estadu ne'e frazil, nia liña koordenasaun entre orgaun sobereania iha períodu tinan haat nia laran ne'e frazil tebes”, dehan Deputadu Kalohan iha Parlamentu Nasionál, kinta (14/07).

Timor-Leste fraku tanba laiha komunikasaun ida ne’ebé di'ak, no laiha abertura politika ida ne'ebé mak di'ak hodi bele tau interese nasionál no interese povu nian iha leten.

Tanba ne'e, tinan haat nia laran hasoru dezafiu barak hahú husi governasaun ida ne'ebé mak la estabel maibé sai problema liután, sai boot liután bainhira hasoru COVID-19.

“Tanba ne'e ita foti lisaun ne'ebé ita bele aprende atu oinsá ita bele konstroi ita-nia nasaun atu hakat tan ba oin ho situasaun ida ne'ebé mak mais seguru iha estabelidade atu nune'e ita bele halo dezenvolvimentu iha ita-nia nasaun”, hatete nia.

PD mós observa iha krize ne'ebé mak hasoru no nasaun enfrenta invade ho COVID-19, iha aktu governativu ne'ebé mak liuhusi Governu ho Prezidénsia Repúblika fó aseitasaun hodi bele deklara iha Parlamentu Nasionál, estadu situs buat hothotu sai medida politika ne'ebé mak prevene kontudu bele dehan atubele prense filafali periodu emerjénsia sira ne'ebé mak Governu la hola medida politika prevensaun no medida sira ne'e mós bele fó konfiansa nomós fó esperansa povu.

“Informasaun hotu depedente de’it ba sentru de informasaun fó laiha politika mak laiha informasaun ida ne'ebé mak sai husi Governu atraves do diskursu Primeru Ministru semenál ou mensál atu nune'e nafatin bele fó esperansa ba ita-nia populasaun informasaun ne'e laiha, nune'e mós dezentendimentu barak iha karaik ita-nia populasaun sira mós dezanpontadus ida-idak hola nia medida Governu lakon nia kontrolu iha situasaun ida ne'eba atraves mensazen politika ne'ebé mak divia Governu bele pasa”, haktenik nia.

Ho situasaun sira ne'ebé tinan 2020 nian iha governasaun ida ne'ebé mak agora dadaun la’o hela maske Partidu Demokrátiku fó nia apoiu hotu maibé apoiu sira ne'ebé fó ladún hetan mudansa iha aktus governasaun ninian.

Tanba ne'e situasaun barak seidauk muda populasaun mai Dili, no  muda joven atu sai ba rai-liur konserteza katak medida politika ne'ebé mak Governu hola seidauk bele responde saida mak hasoru. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items