“Rezolusaun Governu nian ne’e aprova hodi nomeia Lino de Jesus Torrezão hanesan Reprezentante Espesiál Governu Timor-Leste nian hamutuk ho Governu Giné-Bisau hodi prosesu ba identifikasaun kona-ba nesesidade husi Estadu ida-ne’e ba realizasaun eleisaun livre no justu, iha loron 18 fulan-dezembru tinan 2022 oinmai”, dehan Ministru Prezidénsia Konsellu Ministru, Fidelis Manuel Leite Magalhães, iha Palásiu Governu, kuarta (13/07).
Desizaun ne’e Governu halo hodi resposta ba pedidu husi Guiné-Bisau liuhusi ninia Primeiru Ministru, Nuno Gomes Nabiam.
“Ita diretamente hili opsaun ida atu haruka uluk Vise-MAE ba haree didi’ak lai no ita bele ajuda iha ne’ebé hodi relata ba Konsellu Ministru hodi halo desizaun”, informa nia.
Entretantu reprezentante Governu Timor-Leste ne’e ninia misaun prinsipál mak atu haree resenseamentu no eleisaun sira hanesan iha tinan hirak liubá mós halo ona. (*)