Ba rezultadu apresiasaun relatóriu KJE 2020 ne'e ho votu afavór 48, kontra no abstensaun laiha, no deputadu hamutuk 17 mak aujénte iha debate refere.
“Ho ida-ne'e, Konta Jerál Estadu 2020 aprovadu”, dehan Prezidente Parlamentu Nasionál, Aniceto Longuinhos Guterres Lopes hafoin anúsia rezultadu votasaun iha Plenária PN, segunda (11/07).
Ministru Finansa (MF), Rui Augosto Gomes hatete, Governu konstituisionál daualu kompromete sei kontinua hadi'a, kualidade ezekutivu nian iha konta jerál estadu, oinsá akolla rekomendasaun sira husi Kámara Konta nomós Parlamentu Nasionál.
Tanba ne'e, Governu kontinua manifesta nia protidaun no nakloke ba rekomedasaun, sujestaun, krítika sira atu mellora liután, konta jerál estadu ba tinan sira tuir mai tán.
“Iha fatin ida-ne'e duni mak deputadu sira halo fiskalizasaun no kontrolu polítiku ba konta jerál estadu. Tanba ne'e hodi Governu no espesiál Ministériu Finnsas nia naran, hakarak agradese, ba deputadu sira-nia akompañamentu tomak, kona-ba lala'ok ezekutivu nian to'o iha prosesu aprovasaun konta jerál estadu”, hatete nia. (*)