“Ohin Bankada CNRT uza sira-nia diretu halo intervensaun atu loke debate konta jerál estadu, tuir rejimentu. Tanba ne'e meza fó nafatin tempu ba Komisaun C atu aprezenta relatóriu. Kklaru dokumentu mós kleur ona ne'ebé sé aprezentasaun ne'e lais-liu, di'ak-liu maibé tempu ne'e másimu minutu 30, hato'o de'it konkluzaun ho rekomendasaun sira ne'e. Ho nune'e dala ida tán meza konvida Komisaun C, atu la'o tuir giaun mai aprezenta relatóriu”, dehan Aniceto iha debate Konta Jerál Estadu (KJE) tinan 2020, iha Plenária PN, segunda (11/07).

Maske Bankada CNRT ninia intervensaun sira ne'ebé iha foti tomak husi relatóriu Komisaun C, maibé ne'e tuir rejimentu Bankada CNRT iha diretu atu halo tanba Konta Jerál Estadu ne'e rasik espalla kleur ona.

Tanba debate konta jerál nele rasik loloos prevee ona iha loron 13 fulan-maiu 2022 maibé adia mai to'o ohin loron, no klaru katak dokumentu sira haruka mai hotu ona iha meza.

Bankada CNRT mós uza sira-nia diretu halo intervensaun atu loke debate konta jerál estadu, tuir rejimentu, se iha sira-nia intervensaun mak sita relatóriu Komisaun C nian karik meza hanoin ne'e labele konfudi tanba Bankada CNRT mak aprezenta ona Komisaun C nia relatóriu, maibé felismente relatóriu refere sita komisaun C-Bankada CNRT no la'os sita Komisaun C de'it.

Hatán ba kestaun ne'e Deputada Bankada FRETILIN no atuál Prezidente Komisaun C, Maria Angelica Rangel hatete, kona-ba relatóriu Konta Jerál Estadu ne'e, komisaun C hanesan autór la presiza lee relatóriu ona tanba relatóriu husu númeru 1 to'o 7, bankada CNRT lee hotu ona, inklui hetan ona resposta husi Ministru Finansa.

“Maibé sé Prezidente hakarak dehan atu lee, ami-nia relatór mak señor deputadu António Nobre Tilman, ho señora Deputada Fernanda mais señora deputada iha momentu ida ne'e laiha, no señor vise Prezidente bele ajuda lee maibé lee konluzaun de'it ona”, dehan nia.

Tanba ne'e, halo pontu orden atu invoka rejimentu artigu 72, hakarak hato'o katak, ofisiálmente Komisaun C seidauk lee, maibé bankada CNRT lee tiha ona sira-nia relatóriu, tanba ne'e mak full up ba Prezidente PN atu deside, hanesan autór tuir rejimentu artigu 178, katak kompeténsia ne'e komisaun C nian, maibé muda fali ba Bankada CNRT.

“Mesmu ke artigu ne'e seidauk altera, 178 ne'e kompeténsia komisaun C nian mais Bankada CNRT pozisiona tiha ona, sira-nia an iha artigu 178, e ami la presiza lee ona, tanba ami-nia relatóriu foin lee ona husi Bankada CNRT. At liután señor Ministru hatan tiha hotu ona, relatóriu ne'ebé ami-nian lee ona husi Bankada CNRT, tanba ne'e mak ami la presiza lee, ita tama lansu ba debate de'it ona Prezidente PN”, afirma nia. (*)