“Sim hodibainhira ha'u hasoru sira balun iha Portugál ha'u hatete ona, katak sé kondisaun la di'ak imi bele fila mai Timor ona tanba susar los hetan servisu di'ak, tanba sira ba laiha garantidu ida, agora sira ida iha portugál ne'e balun iha Timor servisu di’ak, balun servisu funsionaria públiku husik hela ba, ba para la garantia ba halo saida, no ida-ne'e akontese, balun iha servisu, balun funsionária públiku, balun servisu iha kompaña balun maibé sira husik hela sira ba”, dehan Ministra Adaljiza, bainhira hasoru malu ho Priemru Ministru (PM), Taur Matan Ruak iha Palásiu Governu, Segunda (11/07).

Nune'e MNEK husu ba sidadaun Timoroan sira, se laiha serteza hodi hetan servisu iha ne'ebá lalika deside atu ba, maibé kontinua hela iha Timor-Leste hodi hein prosesu.

“Alin sira kuandu hakarak ba se imi iha ona garantia, kontratu iha ona, garantia ba hetan vistu bele, tanba imi ba imi tenke rejistu rekezitu ne'ebé mak Portugál fó, sela’e orsida iha ne'ebá sai ilegál aat liu tan no problema at liután, la'ós Governu bandu imi labele ba situasaun que permite se imi garantidu katak imi ba sei hetan servisu iha ne'ebá entaun bele ba, sela’e orsida abandona Governu ba buka tuituir imi, se ema barak liután ita rezolve la hetan”, hatete nia.

Tanba laiha garantidu entaun sidadaun sira ba ne'ebá ema bele aproveita sira, ema selu ho salariu ki’ikoan, balun iha kontratu mós ema la selu tuir kontratu.

“Entaun por ezemplu hanesan iha organizasaun ida backing depois o sei husu tulun ajuda husi Governu, ne'e  Governu ho Governu bele ko’alia malu para bele tau matan, agora sira ba nonok de'it Governu mak porvolta iha Portugál laran hodi buka sira ne'e”, afirma nia.

Maske nune'e, Governu iha inisiativa buka tuir hela sira no haruka f’o naran rezistu para iha problema ruma bele hatene.

“Maibé balun hakarak fó balun la’e, balun tauk hanoin Governu atu deporta sira, entaun sira la nakloke ba Governu, mais atu hatete de'it kuandu iha li'ur ona Governu laiha forsa atu deporta, se ema ne'ebé iha direitu atu deporta ne'e rai ne'ebé mak sira hela ba, Governu Timor só bele ajuda de'it hodi trata konsuláriu depois labele ajuda buat ida”, esplika nia.

Bainhira ligadu ho ida-ne’e, Governu sei negósia hela atu asina akordu bilaterál ho Portugál hodi entre nasaun rua ne'e atu bele trata sidadaun husi nasaun rua hanesan, maibé sei han tempu.

Nune'e MNEK apela ba sidadaun Timoroan hotu ne'ebá hakarak atu ba servisu iha rai li'ur, bainhira laiha garantia labele ba lai, hein para Governu trata hotu iha ona serteza mak ba.

Entretantu númeru sidadaun sira ne'ebé iha Portugál la klaru tanba sira barak lakohi ba rezistu iha embaixada Timor-Leste iha Portugál, maibé naran ne'ebé MNEK iha mak porvolta de 200 liu  hanesan ne’e. (*)