Tanba ne’e, iha loron loron 9 fulan-juñu 2022, Partidu CASDT hala’o konsolidasaun iha Munisípiu Likisá hodi reorganiza ninia militante sira no re-organiza estrutura nível Munisípiu, Postu Administrativu, suku no aldeia, hodi prepara ba eleisaun parlementar.

Iha konsolidasaun ne’e, Sekretáriu Jerál Partidu CASDT, Gally Soares Araujo, sente orgullu ho partisipisaun joventude sira-nian iha konsolidasaun, tanba iha vontade no kompromisu hodi hamutuk ho ideransa foinsa’e partidu CASDT atu servisu hamutuk ba dezenvolvimentu nasaun iha futuru.

Haree ba desizaun husi likisaoan sira hodi hamutuk ho Partidu CASDT hanesan pasu importante ne’ebé jeraun foun sira tau forsa hamutuk hodi prepara-an ba transformasaun poder ne’ebé sei akontese iha futuru.

“Hanesan jerasaun foun, Likisáoan sira tenke prepara-an ho didi’ak tanba transformasaun poder ba jerasaun ne’ebé sei akontese iha futuru presiza foinsa’e sira ne’ebé iha kapasidade no abilidade atubele assegura sustentabilidade husi prosesu dezenvolvimentu tomak iha rai doben Timor-Leste”, hatete, Sekretáriu Jerál Partidu CASDT, Gally, iha Likisá, sábadu (09/07).

Ho partisipasaun joven feto no mane iha konsolidasaun ne’e hanesan faze ida ba jeraun foun sira atu deside tau forsa hamutuk hahú husi baze ba to’o nasionál.

Iha oportunidade ne’e, feto foinsa’e Likisáoan, Francisca hatete, nia aprte deside hamutuk ho Partiddu CASDT hodi haforsa joven sira atu prepara-an ba dezenvolvimentu nasionál.

“Deside envolve iha politiku hamutuk ho partidu CASDT atu kontribui ba dezonvolvimentu munisípiu Likisá no promove feto nia envolvimentu iha prosesu dezenvolvimentu ih Rai Timor-Leste”, dehan nia.

Entretantu Eduardo Dos Santos Goncalves, deklara hamutuk ho joven sira seluk envolve-an iha politiku hamutuk ho Partidu CASDT tanba haree ba figura foinsa’e iha lideransa partidu, nune’e fanun nia atu envolve no kontribui ninia enerjia ho foin-sae sira seluk iha partidu laran atu hamutuk servisu ba dezenvolvimentu.

Konsolidasaun ne’e hetan partisapasaun másimu husi joven sira ne’ebé ho inisiativu vontade, interese no komitmentu hodi hamutuk ho Partidu CASDT atu kontribui ba dezenvolvimentu ida ne’ebe prósperu no inkluzivu ba povu Timor-Leste. (*)