Print this page

MAE Halo Abertura Konkorsu Públiku Selesaun ba Admnistradór Postu Sia

Vise Ministru Administrasaun Estatal, Lino De Jesus Torrezão, halo abertura ba konkorsu públiku Selesaun pur meritu ba kargu Administradór Postu Administrativu sia. Vise Ministru Administrasaun Estatal, Lino De Jesus Torrezão, halo abertura ba konkorsu públiku Selesaun pur meritu ba kargu Administradór Postu Administrativu sia. Foro Suplay

Tempotimor (Dili)-Ministériu Administrasaun Estatál (MAE) liuhusi Vise Ministru Administrasaun Estatal, Lino De Jesus Torrezão, halo abertura ba konkorsu públiku Selesaun pur meritu ba kargu Administradór Postu Administrativu hamutuk sia (9).

Tuir informasaun ne’ebé www.tempotimor.com asesu iha pájina MTKI, kinta (07/07) katak, konkursu úubliku selesaun pur meritu ba kargu Administrador Postu hanesan, Postu Administrativu Aileu Vila, Postu Administrativu Alas, Postu Administrativu Hatulia B, Postu Administrativu Hatu-Udu, Postu Administrativu Laklubar, Postu Administrativu Lakluta, Postu Administrativu Lautei, Postu Administrativu Lore no Postu Administrativu Luro..

Tanba konforme dekretu-lei númeru 54/2020 28 outubru hanesan segundu alterasaun ba dekretu lei númeru 3/2016, 16 marsu Estatutu Administarsaun Munisipál, Autoridade Munisipál no Grupu Tékniku Interministeriál ba Desentralizasaun Administrativa.

Ba orientasaun númeru 2/2010 ho 8/2016 kona-ba selesaun pur meritu, Dekretu-lei númeru 34/2008, 27 agustu republikadu ba dekretu númeru 22/2011, 29 juñu rejime kargu diresaun no xefia iha administrasaun públika, nune'e halo publikasaun avizu konkursu públiku selesaun pur meritu ba kargu administradór postu Administrativu.

“Tamba ne'e ohin ha’u mai halo abertura ba avaliasaun dokumentu hirak ne'e konforme dekretu lei haruka, ha’u husu nafatin ba ita-boot sira hodi kontinua nafatin ho prosesu selesaun dokumentus sira ne'e ho didi’ak hodi bele fó sai lalais no ita bele públika ona”, dehan Vise MAE, Lino.

Bainhira dokumentu hirak ne'e kompletu ona foin bele avansa ho prova eskrita, hafoin prova eskrita hotu hanoin filafali sese mak avansa ba intervista no sese mak hela ida-ne'e maka atu haree.

“Agora fulan-jullu ona ita-nia kalendáriu ne'e mós atraza oituan, depois atividades Ministériu nian barak lahalimar liliu ba Diretór Jerál ho Diretór sira atu tun bei-beik ba munisípiu sira atu nune'e fó asisténsia ba ita-nia forsa de trabalho sira ne'eb’e mak iha munisípiu ida-idak”, esplika nia.

Tanba ne'e husu ba ekipa juri sira atu prosesu ba selesaun pur meritu ne'e se-bele aselera lalais prosesu ne'e para bele konklui ona iha fulan-agustu tinan 2022.

Iha atividade selesaun ne’e partisipa husi DGAF, Diretór DNRH, Diretora DNPA, Diretora UPCICE no membru husi Komisaun Funsaun Públika (KFP) rasik. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items