Print this page

CNRT Defende Ai-Leba Tama Palásiu Prezidensiál La Hamonu Dignidade Estadu

Ai-leba sira ne'ebe fa'an ai-fuan iha Palasiu Prezidensisal. Ai-leba sira ne'ebe fa'an ai-fuan iha Palasiu Prezidensisal. Foto Suplay

TempoTimor(Dili)-Bankada Congresso Nacional de Reconstrucão de Timor (CNRT) defende povu ai-leba ne’ebé tama iha Palásiu Prezidensiál la hamonu dignidade Estadu nian.

Vise Xefe Bankada Congresso Nacional de Reconstrucão de Timor (CNRT), Patrocinio Fernandes dos Reis hatete, povu ai-leba ne’ebé tama iha Palásiu la hamonu dignidade estadu nia, maibé Estadu lakon nia dignidade bainhira ema aprova ona osan estadu hafoin bele dehan dignidade estadu.

“Ko’alia kona-ba polemika, ida ita-nia povu sira ne’ebé ba Palásiu Prezidensiál maske autoriza husi Prezidente Republika, sira atubele tama iha ne’eba, ne’ebé ita lubuk polítika sira preokupa hanoin katak atraves sira tama iha ne’eba keta perjudika fali dignidade estadu nian, mais ita lahatene dignidade estadu ida ne’ebé mak sira prejudika tanba nu’udar povu”, dehan Deputadu Patrocinio Fernandes, iha Plenária, Parlamentu Nasionál (PN), segunda (04/07).

Tanba iha Palásiu Prezidensiál iha funsionáriu nomós seguransa ne’ebé iha responsabilidade atu organiza oinsá ema sira ne’ebé tama desde hetan autorizasaun husi prezidente repúblika atubele ai-leba sira asesu.

Presidensiál Repúblika ne’e reprezenta povu, ne’ebé povu rasik mós iha direitu ka dever mak hili prezidente republika, hanoin sira bele tama iha ne’eba, tanba estadu la lakon buat ida iha ne’eba.

“Maibé povu lori ai-fuan ba fa’an iha prezidénsia repúblika. Ha’u hanoin Estadu la lakon ninian dignidade. Ne’e dignifika liután ba povu tanba Estadu buka atu dignifika povu”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items