“Ho laran kmanek ami hakarak konvida ita-boot atu partisipa eventu lansamentu ofisiál manuál sidadaun asesu ba informasaun”, dehan Diretór Ezekutivu CEPAD, João Boavida liuhusi konvite ne'ebé www.tempotimor.com asesu husi gabinete MAPKOMS, kuarta (06/07).
Ho oportunidade ida-ne'e, CEPAD mós hakarak hato'o komprimentu nomós respeitu tomak ba disponibilidade husi Ministru Francisco no estrutura atu partisipa iha eventu refere.
Ba konvidadu ne'ebé sei partisipa iha eventu ida-ne'e, mak Primeiru Ministru, Taur Matan Ruak reprezenta husi MAPKOMS, Embaixadór Uniaun Europeia, Reprezentante Grupu Traballu Nasionál Liberdade Asesu ba informasaun CEPAD, pontu fokál iha nível lokál no reprezentante partisipante (Komunidade no Servidor Públiku) husi Munisípiu 12 inklui RAEOA.
Nune'e mós autoridade lokál ho konvidadu sira seluk ne'ebé mak reprezenta Organizasaun Sosiédade Sivíl no Akademia.
Purtantu eventu ne'e rasik sei realiza iha loron kuarta (06/07), tuku 2 to'o tuku lima, iha Otél Novu Turizmu, Bidau-Lesidere. (*)