Login to your account

Username *
Password *
Remember Me

KHUNTO ‘Obriga’ Governu Rekruta Pesoál Saúde Kontratadu ba Permanente

Bandeira Partidu KHUNTO. Bandeira Partidu KHUNTO. Foto Suplay

Tempotimor (Dili)-Deputada bankada Kmanek Haburas Unidade Nasionál Timor Oan (KHUNTO), Irene Gonzaga, obriga Governu liuhusi Ministéiru Saúde (MS) atu halo rekrutamentu ba pesoál saúde kontratadu sira ne’ebé mak presta ona servisu iha situasaun pandemia covid-19 ba permanente.

“Agora dadaun Ministéiru hahú hapara tiha ona, ha’u hanoin nusa mak la halo rekrutamentu ida, ita rekruta funsionáriu ba pesoál saúde sira ne’e sai funsionáriu permanente, atu nune’e sira bele servisu di’ak liután”, dehan nia iha plenária Parlamentu Nasionál (PN), tersa (05/07).

Ba pesoál saúde kontratadu sira ne'ebé iha loron 30 jullu foin lalais Ministériu Saúde hapara ne'e, husu atu kria fatin seluk ne'ebé di’ak hodi akomoda sira liliu rekruta hikas sira hodi dezloka sira ba suku sira ne'ebé mak komunidade sira presiza.

Tanba durante ne’e Deputadu sira kestiona hela númeru pesoál saúde iha sentru saúde no Postu Saúde barak mak sei mínimu hela.

Nune’e kontinua husu ministéiru saúde atu labele presiza Pesoál Saúde sira iha de’it tempu urjente maibé liu ida-né'e Ministériu husik sira sai abandonadu.

Hatan ba kestaun ne'e, Ministru ba Asuntu Parlamentár no Komunikasaun Sosiál (MAPKOMS), Francisco Martins Pereira Jerónimo hatete, kona-ba pesoál saúde balun ne'ebé mak deputadu sira kestiona ne'e Ministériu Saúde la’ós hapara de’it, meibé liuhusi prosesu ne’ebé kontratu hotu.

Tanba kontratu ba tinan ida no fulan-neen inklui mós tanba COVID-19 laiha ona, sira tenke ramata duni haree fali servisu seluk ne’ebé mak atu fó fali ba sira.

“Tanba ne’e, kontratu para lai hodi haree fali ba atividade sira-ne’ebé presiza fali maibé ida-idak mai ho nia kualifikasaun mós”, dehan nia.

Kona-ba kestaun pesoál saúde menus iha Postu Saúde sira tanba Ministéiru Saúde mós enfrenta problema ida liliu servisu sira-ne’ebé la’o iha Postu Saúde iha suku sira dala barak profisionál saúde to’o iha ne’eba, fulan ida ka to’o tolu sira sente hanesan dook husi sidade ka kondisaun ladún di’ak, entaun sira husu atu muda fali Postu Administrativu no Munisípiu.

Tanba ne’e, difikulta fali Governu foti desizaun nune'e dalabarak Governu ba suku dehan iha suku ne’e oan rasik hanesan enfermeira, médiku jerál di’akliu kontratu sira fasil hodi hela iha ne’eba ho sira-nia kondisaun hodi hala’o servisu di’akliu.

Maibe ba preokupasaun sira ne'e hotu, Governu rejista sei informa filafali ba Ministra Saúde, Odete Bele atu haree filafali kondisaun seluk. Bainhira iha rekrutamentu seluk sei loké filafali tanba sei presiza nafatin pesoál saúde iha territóriu hodi fó asisténsia ba komunidade. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter