“Ita haree katak ferik katuas sira ne’e eleitorál ne’e iha maibé BI ne’e desde uluk kedas to’o agora barak mak seidauk iha se ita ezije dehan BI ne’e kuitadu sira iha área rurál ne’eba”, dehan Deputadu Bankada CNRT, Domingos Carvalho iha Plenária Parlamentu Nasionál, segunda (04/07).

Tanba  ezijensia husi Banku ne’ebé halo pagamentu ba subsídiu halo Indozu sira ne’ebé laiha BI la konsege simu no haruka fila hodi prosesa BI hafoin bele simu.

Ho maneira ne’e trava ferik katuas sira labele simu osan hodi utiliza ba nesesidade, maibé hein indozu sira aprezenta BI hafoin bele halo pagamentu.

“Husu ba señor ministru atu enkamina tok ba banku atu haree mós kona-ba ida-ne’e ou husi Ministériu Solidariedade Sosiál no Inkluzaun (MSSI) mak fó informasaun ba banku para hodi implementa ida-ne’e ka husi banku mak hasai rasik inisiativa ida-ne’e ba sira”, dehan nia. (*)