“Ita dehan timór ne'e iha diretu hotu, ukun mak ida-ne'e. Sé fose Governu ne'e halo buat di'ak karik, hanesan ohin ita-nia deputadu balun dehan katak sosa produtu povu sira-nian karik sira mós la ba Palásiu ne'ebá ida. Aktu sira ne'e hatudu katak Governu ida-ne'e aprova tiha osan boot maibé la halo buat ida ne'ebé povu bele sente iha terenu, tanba ne'e mak Prezidente mós tau ida-ne'e ba kestaun ida ne'ebá”, dehan nia iha Plenária Parlamentu Nasionál, segunda (04/07).
Tanba ne'e, CNRT fó apresiasaun boot ba ida-ne'e, maibé sala ne'e iha ne'ebé, kuandu deputadu sira tau iha kestaun kona-ba inisitiva Prezidente halibur ai-leba oan sira iha palásiu.
“Ita dehan povu Maubere defende povu ain-tanan, maibé realidade ne'e ibun tutun de'it, ita kontinua kose ita-nia povu sira ba rai”, afirma nia.
Bankada CNRT sei mantein defende hanoin sira ne'ebé inisia husi Prezidente Repúblika tanba ida-ne'e la kontra konstituisaun RDTL.
Deputada Bankada FRETILIN, Helena Martins hatete, sira-nia parte ko’alia kreabilidade Estadu ida-ne'e oinsá mak bele hatudu ba ema nasaun seluk liliu refere ba dignidade Prezidente Repúblika, José Ramos Horta ne'ebé asume kargu Xefe Estadu ba dala rua ona.
Bainhira ko’alia kona-ba kompromisu ne'ebé mak Xefe Estadu halo atu hasai povu husi ki'ak no mukit, ida-ne'e FRETILIN mós fó apoiu tomak. (*)