Login to your account

Username *
Password *
Remember Me

Semana Oin, Misaun Esploratóriu ASEAN Sei Vizita Timor-Leste

Emblema Assosiasaun Nasaun Sudeste Aziátiku (ASEAN). Emblema Assosiasaun Nasaun Sudeste Aziátiku (ASEAN). Foto Espesial

Tempotimor (Dili)-Misaun Esploratóriu ASEAN ba Komunidade Pilár Sósiu-Kulturál (ASCC), iha loron kuarta (06/07) semana oin, sei halo vizita mai Timor-Leste hodi avalia protidaun tékniku Timor-Leste nian hodi adere ba Assosiasaun Nasaun Sudeste Aziátiku (ASEAN).

“Timor-Leste sente haksolok atu simu Misaun Esploratóriu ASEAN ba Komunidade Pilár Sósiu-Kulturál (ASCC) nian iha loron 6 to 'o 9 fulan-jullu tinan 2022, atu avalia prontidaun téknika Timor-Leste nian hodi adere ba ASEAN”, informa Komunikadu Imprensa ne'ebé www.tempotimor.com asesu husi Ministériu Negósiu Estranjeiru no Kooperasaun (MNEK), sábadu (02/07).

Delegasaun Komunidade Pilár Sósiu-Kulturál ASEAN nian ne'e sei lidera husi Ofisiál Nivél Altu ba Komunidade Sosial-Kulturál (SOCA) husi Cambodia ne’ebé nu'udár Prezidente ASEAN ba tinan 2022 nian, no Lideransa Komunidade Sosiál-Kulturál husi Lideransa Entidades Setoriais ASEAN, Adjuntu Sekretáriu-Jerál ASEAN ba Komunidade Sósiu-Kulturál, nomós Komité Reprezentante Permanente,  Sekretariadu ASEAN.

Misaun Esploratóriu ASEAN ne'e nia objetivu mak atu observa kondisaun reál iha terrenu kona-ba kestaun sosiál no kulturál sira iha Timor-Leste.

Tanba vizita husi Misaun Esploratóriu ASEAN mai Timor-Leste ne’e sai hanesan oportunidade ba ASEAN hodi halo avaliasaun ba pilár ASCC no avalia Timor-Leste nia prontidaun atu sai membru ASEAN.

ASCC nu'udár pilár ida husi pilar rua Misaun Esploratóriu ASEAN nian ne'ebé sei hala'o hela. Komunidade Pilár Ekonómika ASEAN nian (AEC) sei vizita Timor-Leste iha fin fulan jullu tinan 2022. Maske, Komunidade Pilár Polítika Seguransa ASEAN hala’o ona Misaun Esploratóriu iha Setembru 2019.

Delegasaun ne'e sei hasoru malu ho autoridade Timor-Leste sira, iha loron dahuluk, delegasaun ne'e sei hetan informasaun/briefing husi Ministériu Negósius Estranjeirus no Kooperasaun depois iha loron daruak, delegasaun ASCC sei hasoru malu ho Ministru Negósius Estranjeirus no Kooperasaun-Interinu, Vise-Ministra no Ministra Solidariedade Sosiál no Inkluzaun Timor-Leste.

Aleinde ne’e, delegasaun ne'e sei hala'o mós vizita ba instituisaun sira ne’ebé koresponde ba Pilár Sósiu-Kulturál ASEAN orgaun setorál nian.

Tanba Timor-Leste oras ne'e iha ona misaun diplomátika iha hotu Estadu Membru ASEAN nian. Aleinde ne'e, Timor-Leste mós partisipa ativu iha reuniaun Forum Rejionál ASEAN (ARF) nian dezde tinan 2005.

Timor-Leste mós hola parte iha Tratadu kona-ba Amizade no Kooperasaun iha parte Sudeste Asiátiku (TAC) desde 2007 no durante tinan rua ikus ne’e ativu tebes partisipa iha atividade sira laos polítika ASEAN nian.

Ba vizita refere, Timor-Leste Sei simu ho haksolok ba Misaun Esploratóriu ASEAN ba Komunidade Sósiu-Kulturál no Komunidade Pilár Ekonómika hodi hein rezultadu klaru no desizaun  pozitivu hosi Estadu Membru ASEAN kona-ba Timor-Leste nian adezaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter