Maske Programa ‘'Naroman ba suku’' ne'e sai hanesan atividade ida ne'ebé Governu kria atu habelar programa sira ba povu maibé mós atu rona rasik preokupasaun povu nian iha baze.

Durante iha atividade diálogu, Ministru ba Asuntu Parlamentár no Komunikasaun Sosiál, Francisco Jeronimo hatete, objetivu hasoru malu ho komunidade suku Lontas, atu aprezenta klaru liután ba komunidade sira relasiona ho politika no Programa husi Governu daualu nian.

“Ohim ha'u mai atu hasoru no ko'alia buat ne'ebé loloos ho ita-boot sira kona-ba polítika no programa Governu nian”, dehan nia iha ninia intervensaun ba atividaee diálogu ho Komunidade iha Suku Lontas, Postu Administrativu Lolotoe, Munisípiu Bobonaru, sesta (01/07).

Governu deside kria programa hirak ne'e tanba haree ba prioridade sira iha baze liliu ema mak sai Sentru ba dezenvolvimentu.Tanba ne'e tenke book-an atu atinje dezenvolvimentu ne'ebé ema hothotu mehi.

Entretantu atividade diálogu refere hetan  partisipa direta husi Ministra Saúde, Odete Maria Freitas Belo, Vise Ministru Administrasaun Estatál, Lino de Jesus Torrezâo, Prezidente BTL, reprezentante Sekretáriu Estadu Kooperativa, reprezentante autoridade munisipál, Xefe suku sira postu administrativu Lolotoe nian nomós komunidade suku Lontas rasik. (*)