Tuir informasaun ne’ebé www.tempotimor.com asesu iha pájina MAE, kinta (30/06) katak, iha intervensaun husi Vise Ministru fó parabéns ba, tanba bele hamutuk ho komunidade sira iha ne’e atubele fó hanoin ruma la’ós dehan atu fó osan maibé fó hanoin ruma atubele dezenvolve suku ida-ne’e, bele kontribui,

“Ha’u mós fo obrigadu ba xefe Suku no Administrador Postu ne'ebé mak fó kontribuisaun maka’as hodi koopera di’ak ho atividade husi estajiada ne’e bele la’o ho di’ak”, dehan nia.

Ba atividade ne'ebé mak husi estajiada sira halo ne’e, atividade ne'ebé mak atu hatutan programa Governo Konstitusionál daulau nian, tanba programa ne'ebé mak hatudu iha komunidade nia le’et ne’e hanesan mós atu serbisu hamutuk ho komunidade sira.

“Programa ida ne’e pertenente duni para bele lori dezenvolvimento ida ne’e buras iha komunidade nia le’et”, afirma nia.

Dezenvolvimentu ida-ne’e ema sempre bolu dehan top down planning no botton up planning siknifika katak planu ne’e husi kraik mak sa’e ba leten, la’ós husi leten mak tun mai fali kraik, depois orsamentu sira ne’e husi leten mak apoiu hodi tun mai iha kraik, programa no atividade sira ne’ebé mosu ne’e tenke iha kraik mak Governu f’o apoiu de’it.

“Ha’u fó obrigado barak ba atividade rua ne'ebé mak hatutan netik programa Governu ninian halo haris fatin no fatin lixu ida-ne'e, ha’u fó obrigadu barak tanba bele kompleta ativdades sira hanesan ne’e iha Aldeia Caiuai-Ho’o no Aldeia Uairiu”, hatete nia.

Iha serimónia Mini Loka Karya ho Motto “Laiha Ksolok Ida Ne'ebé Di’ak Liu Saúde” ne’e partisipa husi Dekanu Fakuldade Medisina UNTL, Sekretáriu Ezekutiva PNDS, reprezentante Administradór Munisípiu, Administradór Postu Ossu, Diretór Delegasaun Munisípiu, Xefe Suku, Konselhu Suku, Ekipa Jestaun Suku (EJES), Veteranu no komunidade tomak husi Suku Ossu Desima. (*)