“Fó parabéns ba nia mandatu foun ida-ne'e, Ismail da Costa Babo, ha'u hatene ita-boot sei kompri ho ondra ho kbi’it, hanesan uluk ita hatudu iha situasaun difísil, ha'u konfia nia bele kaer ho di'ak, ha'u laiha dúvida ba autoridade protesaun siv’il nia ba oin”, dehan Horta iha sermónia toma posse ba Prezidente Autoridade Protesaun Sivil, iha Kaikoli, (29/06).

Ba sistema protesaun sivil hanesan sistema seguransa terseriu iha Timor-Leste, hanesan mós Polísia Nasionál Timor-Leste (PNTL) no Falintil-Forsa Defeza Timor-Leste (F-FDTL).

Tanba Autoridade Protesaun Sivíl foun ne'e sei responsabilidade ba koordensaun ba ajente hotu ba protesaun sivíl nian, bainhira iha asidente grave ruma, dezastre naturál ruma, ho atu proteje vida umanu.

Xefe Estadu ne’ebé sai hanesan sasin Autoridade Protesaun Sivíl ba halo asaun ba foin daudaun akontese dezastre naturál iha Timor-Leste.

“Ha'u haree ho ha'u-nia matan sira halo sira-nia servisu, iha insendiu no inundasaun sira ne'ebé akontese fó afeta ba sidadaun sira-nia vida”, afirma Horta.

Nune’e husu ba membru Autoridade Protesaun Sivil sira atu servisu maka’as hodi salva ka ajuda vítima sira ne'ebé foun daudaun ne’e.

“Ha'u mós hanoin protesaun sivil daudaun dezenvolve di'ak liután, hakat lalais liuba oin, bainhira ita halo kompara tinan ba kotuk, transformasaun portesaun sivíl, hetan dezafiu boot iha pandemia COVID-19”, hatete nia.

Nune'e husu ba Governu ho parseiru dezenvolvimentu sira-nia esforsu para konstrui edifísiu foun ba APS atubele utiliza hodi hala’o servisu. (*)