Ezijensia Khunto ba PM Taur: Lori Ona Ami-nia Ema ba Simu Pose

Primeiru Ministru Taur Matan Ruak kaer liman ho Prezidente da Republika Francisco Guterres Lu Olo, no hamnasa ba malu kada semana iha Palasiu Prezidente, Iha Dili. Primeiru Ministru Taur Matan Ruak kaer liman ho Prezidente da Republika Francisco Guterres Lu Olo, no hamnasa ba malu kada semana iha Palasiu Prezidente, Iha Dili. Foto Arquivo

Tempotimor (Dili)-Partidu Kmanek Haburas Unidade Nasional Timor Oan (KHUNTO) husu Primeiru Ministru (PM) Taur Matan Ruak atu lori lista membru governu husi Partidu KHUNTO ba Prezidente Repúblika Francisco Guterres Lu Olo hodi hetan pose.

Deputada Bankada KHUNTO iha Parlamentu Nasionál Olinda Guterres informa, partidu KHUNTO prepara ona ninia ema hodi troka kandidatu membru governu na’in rua ne’ebé tama iha lista pendente.

"KHUNTO hakarak troka lalais nia ema ne'ebé la hetan posse husi Prezidente Repúblika (PR), tanba ne'e KHUNTO Prepara ona nia ema na'in rua. Tanba ne'e husu ba Primeiru Ministru (PM) atu aprezenta lista ne'e ba PR, atu bele fó posse ba membru na'in rua ne'ebé preparadu ona," deklara deputada ne’e iha plenaria PN, Segunda (21/10/2019).

Nia dehan, KHUNTO iha promesa ba públiku atu lori nia membru governu sira hodi halo juramentu iha Ramelau, maibé promesa ne’e seidauk bele realiza tanba ninia ema iha governu seidauk kompletu.

"Iha tempu kampaña konsileiru másimu KHUNTO deklara katak atu ba halo juramentu iha Ramelau, tanba ne'e ha'u sei ba Primeiru Primeiru (PM) hodi lori ami-nia ema ne'e ba PR hodi nune'e bele ba halo juramentu iha Ramelau," deklara Olinda.

Rate this item
(8 votes)
Last modified on Monday, 21 October 2019 17:12
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com