“CCLN tun ba terenu maibé sira dehan la’ós Governu, entaun dúvida ba ita Governu ida-ne’e mak nomeia sira tun ba maibé agora iha terenu sira ba esplika oin seluk fali. Veteranus ne’ebé tun ona ba terenu informasaun ne’ebé ami rona sira tun ba terenu sira envez ba esplika ba veteranu sira kona-ba sira-nia kna’ar oinsá mak atu halo verifikasaun ne’e ho di’ak atu nia veteranu sira ne’e bele komprende maibé sira ba halo tan komplikasaun (difikulta) iha veteranu sira-nia leet”, dehan Deputada Helena, iha plenária Parlamentu Nasionál, segunda (27/06).

Nune’e Ministériu Asuntu Kombatente Libertasaun Nasionál (MAKLN) presiza atu buka koordena didi’ak tanba ekipa sira tun ba dehan sira membru husi CCLN mak tun maibé sira la’ó Governu.

“Entaun duvida ba fali Governu ida-ne’e mak nomeia sira tun ba agora iha terenu sira ba esplika oin seluk fali tanba ne’e mak ami mós telefone ona espera katak iha solusaun di’ak ba iha asuntu ida-ne’e”, hatete nia. (*)