Print this page

FRETILIN Triste MEJD La Halo Mudansa ba Saláriu Inspetór Eskolár iha Covalima

Deputadu Bankada Frente Revolusionáriu Timor-Leste no Independente (FRETILIN), Alexandrino Cardoso. Deputadu Bankada Frente Revolusionáriu Timor-Leste no Independente (FRETILIN), Alexandrino Cardoso. Foto Suplay

Tempotimor (Dili)-Deputadu Bankada Frente Revolusionáriu Timor-Leste no Independente (FRETILIN), Alexandrino Cardoso hatete, nia parte sente triste tanba fulan-neen ona, Ministériu Edukasaun Juventude no Desportu (MEJD) la halo mudansa saláriu inspetór Eskolar atuál iha Munisípiu Covalima.

“To'o ohin loron sira-nia saláriu ne'e laiha mudansa, sira simu nafatin saláriu ida hanesan profesór babain, la'ós simu saláriu hanesan inspetór eskolar. Triste mak inspetór eskolar sira ne'ebé mak sira troka ona, ida tuan ne’e simu nafatin saláriu tuir kargu ne’ebé mak hanesan inspetór nian”, dehan Deputad Alexandrino, iha Parlamentu Nasionál, segunda (27/06).

Tanba inspetór eskolar sira ne’e hetan ona despaisu iha loron 6  dezembru 2021 no sira hala'o sira-nia kna’ar hanesan inspetór eskolár ne'e iha loron 13 janeiru 2022' maibé direitu ba saláriu ba sira mak to'o ohin loron seidauk klaru.

Nune'e Bankada FRETILIN hakarak hato'o ba MEJD liuhusi plenária, atu buka solusaun ba kestaun ida-ne'e ho sériu tanba kestaun ne'e mosu fulan-neen ona.

Hatan ba kestaun ne'e', Ministru ba Asuntu Parlamentár no Komunikasaun Sosiál (MAPKomS), Frsncisco Martins da Costa Pereira Jerónimo hatete, kona-ba preokupasaun ne'ebé mak levanta husi deputadu sira, Governu rejista ona no sei haruka ba Ministériu ralvante atu f”o resposta. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items