Print this page
Politika

Vise-MAE Inaugura Sentru Komunitária Husi PMOHA iha Aileu

By June 26, 2022 593
Vise Ministru Administrasaun Estatal (V-MAE), Lino de Jesus Torrezão, inaugura inagura Sentru Komunitária ne'ebé implementa husi MOHA. Vise Ministru Administrasaun Estatal (V-MAE), Lino de Jesus Torrezão, inaugura inagura Sentru Komunitária ne'ebé implementa husi MOHA. Foto Suplay

Tempotimor (Dili)-Vise Ministru Administrasaun Estatal (V-MAE), Lino de Jesus Torrezão, akompaña husi Diretór Jerál Dezenvolvimentu Rurál no hamutuk ho komitiva sira husi Sentru Saemaul Undong no reprezentante Ministériu Interior Repúblika Korea Súl, inagura Sentru Komunitária ne'ebé implementa liuhusi porgrama movimentu hafoun aldeia (PMOHA) iha Aldeia Lio, Suku Seloi-kraik, Postu Administrativu Aileu Villa, Munisípiu Aileu.

Tuir informasaun ne’ebé www.tempotimor.com asesu husi pájina Prezidente Repúblika, domingu (26/06) katak, Ministeriu Administrasaun Estatal liuhusi Diresaun Jerál Dezenvolvimentu Rurál halo kooperasaun ho sentru Saemaul Undong liuhusi Embaisada Korea Súl iha Timor-Leste hodi implementa programa Saemaul Undong hamutuk iha aldeia 4 ne'ebé iha Munisípiu Aileu iha aldeia 2 no iha Munisípiu Ataúro iha Aldeia 2.

Ba aldeia 4 iha Munisípiu Aileu no Munisípiu Ataúro hahú ona implementa iha tinan 2021, atividade inagurasaun konsidera hanesan avaliasaun konjunta ida entre ekipa MAE no ekipa Centru Saemaul Undong hodi avalia rezultadu no halo planu ba oin.

Tanba ne’e, ekipa Komunidade sira iha aldeia komesa prioritiza ona atividade produtiva sira hanesan husi Diploma Ministeriál fó dalan balun mak kuda modo, haki’ak animál no sentru ba turizmu komunitáriu. (*)

Rate this item
(0 votes)
Tags
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items