Print this page

MAE Fó Pose ba Diretór STAE Munisípiu 11

Diretór Sekretariadu Tékniku Administrasaun Eleitorál (STAE) Munisípiu Sanulu-Resin-Ida ne'ebe simu pose iha salaun STAE, sesta (24/06). Diretór Sekretariadu Tékniku Administrasaun Eleitorál (STAE) Munisípiu Sanulu-Resin-Ida ne'ebe simu pose iha salaun STAE, sesta (24/06). Foto Suplay

Tempotimor (Dili)-Ministru Administrasaun Estatal (MAE), Miguel Pereira de Carvalho, fó Tomada de Posse ba Diretór Sekretariadu Tékniku Administrasaun Eleitorál (STAE) Munisípiu Sanulu-Resin-Ida, iha Salaun Enkontru STAE, Kaikoli-Dili, sesta (24/06).

“Ohin Diretór Munsípiu sira simu posse iha Sekretariadu Tékniku Administrasaun Eleitorál nian responsabilidade ida-ne’e todan, tan nune’e ha’u hakarak hato’o ha’u-nia dezejo ba Diretór STAE Munisípiu ninia, susesu boot hodi hala’o ninia serbisu ida ho ninia kontribuisaun ho dedikasaun boot no kaer metin responsabilidade no dever wainhira serbi demokrasia ba povu Timor Leste”, hatete Ministru Miguel Carvalho, iha pájina MAE, ne’ebé www.tempotimor.com asesu iha loron domingu (26/06).

Tanba ne’e, hodi konsidera desizaun 04/04/2021/KFP husi Komisaun Funsaun Púbika hafoin hetan rezultadu husi prosesu husi selesaun méritu ne’ebé mak husi painel juri, mak bele halo aktu solene tomada de posse ba Diretór sira.

Nune’e tuir ba diretór STAE nia inisia iha Munisípiu ida-idak deszafiu boot hodi bele asegura prosesu eleitorál iha Munisípiu sira ho kna’ar hirak ne'ebé sira hetan tuir lei haruka.

Orgaun administrasaun eleitorál nian hala’o funsaun hirak ne’ebé relasionadu ho aktu eleitoradu hothotu ba orgaun soberanu hirak ne'ebé atu hili sai ona poder lokál nian.

Tanba ne’e sai mós hanesan dever orgaun administrasaun eleitorál sira nian atu kumpri sira-nia atuasaun ho regirozu, imparsiál iha ámbitu kompeténsia ida-idak sira simu.

Nune’e tenke kumpri lei ne’ebé vigora ho orientasaun husi Diretór Jerál STAE no kolaborasaun ne’ebé bele artikula lala’ok sira. Ida-ne’e mak responsabilidade ida ne’ebé importante tebes ba demokrasia iha, tanba ne’e, tenke prontu atu simu responsabilidade no dezafiu hirak ne’e bainhira kumpri sira nia mandatu, sira tenke iha ulun kona-ba prinsipiu hirak ne’ebé mak iha artigu 5 dekretu lei númeru 3/2016, ko’alia kona-ba prinsípiu legalidade, espesialidade, prosekusaun interese públiku nian, transparánsia, deskonsentrasaun administrativa igualidade, proporsionalidade justisa imparsialidade ka sadere ba parte ida responsabilidade koerensia no efisiénsia.

“Ida-ne’e hanesan dezafiu boot ida mai ita atu hatene ita-nia kapasidade hodi promove prosesu eleitorál demokratiku nível munisipál nian hodi insentivu partisipasaun sivika eleitorál sira-nian. Diretór sira tenke hala’o papel kooperasaun ho administrasaun munisipál, PNTL no parseiru hothotu liuhusi kontribuisaun apoiu dedikasaun profesionalizmu sira ne’e hotu hodi bele susesu kada eleisaun ne’ebé tuir mai”, afirma nia.

Iha seremonia tomada de posse refere partisipa husi Vise Ministru MAE, Komisaun Funsaun Púbika, Prezidente CNE, Reprezentante relijioza, Diretór Jerál STAE, Dirijente sira husi Ministériu Administrasaun Estatal, Diretór Jerál sira, Sekretária Ezekutiva, Diretór Nasionál no Diretór Emposadu sira. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items