Tuir informasaun ne’ebé www.tempotimor.com asesu iha pájina Ministériu Finansas, domingu (26/06) katak, ekipamentu hirak ne’ebé oferse hanesan, Laptop Dell unidade lima, Monitór Dell unidade lima, Docking Station unidade lima, Keyboard unidade lima, no Mouse unidade lima.
Ho ekipamentu sira ne’e atu fasilita Governu liliu Ministériu Finansas nia kapasidade atu servisu ho efetivu liután.
Tanba apoiu ida-ne’e nu’udar parte ida husi UNDP Timor-Leste nia inisiativa atu apoiu Governu Timor-Leste hametin liután servisus supervizaun instituisaun liuhusi projetu Pro-PALOP ne’ebé mak finansia husi União Europeia em Timor-Leste.
Tanba ne’e Ministeriu Finansas agradese ba Uniaun Europeia liuhusi projetu Pro PALOP-TL ne’ebé mak ajuda ona Governu Timor-Leste hodi mellora dezempeñu servisus instituisaun ba prestasaun contas, transparénsia no efikasia iha área Jestaun Finansas Públikas. (*)