Prezidente Konsellu Imprensa (KI), Virgilo Guterres esplika, deklarasaun ne’ebé fó sai espesifiku, tanba konteudu ko’alia kona-ba Prémiu Jornalizmu ninian.

“KI hakarak fó hatene ba públiku katak KI depois liuhusi enkontru plenária deside hamosu tan prémiu ba Jornalizmu ida ho naran Max Stahl fó onra ba Jornalista Max Stahl, ne'ebé mak sai hanesan mós figura Nasionál no eroi ba povu Timor-Leste”, hatete Virgilio ba jornalista sira iha Edifísiu KI, Kintal Boot, tersa (21/06).

Ba Prémiu Max Stahl ne’ebé hamosu iha nia kategória ba dokumentáriu, ne'ebé Casa produsaun sira produz, iha konteudu direitu umanu, sosiál, edukasaun ho asuntu ne’ebé mak eleva dignidade ema nian no publika ona iha orgaun komunikasaun sosiál hanesan Televizaun, Radiu no meiu komunikasaun seleuk.

Iha Prémiu Max Stahl nian mak mai hamosu tan ho Prémiu sira seluk ne'ebé Konsellu Imprensa fó sai ona hanesan Prémiu Bernandino Guterres ba jornalizmu Foto.

Desizaun hamosu prémiu Max Stahl ne’e KI aprova no publika ba públiku ba orgaun komunikasaun sira hakarak aplika bele hetan informasaun ne’e. (*)