Login to your account

Username *
Password *
Remember Me

Governu ho IFC Ko’alia Implementasaun Projetu Abitasaun Hari’i Uma 2000 iha Hera

Ekipa husi Governu Timor-Leste halo enkontru ho Ekipa sira husi Kooperasaun Finanseira Internasionál (IFC) iha Timor-Leste. Ekipa husi Governu Timor-Leste halo enkontru ho Ekipa sira husi Kooperasaun Finanseira Internasionál (IFC) iha Timor-Leste. Foto Suplay

Tempotimor (Dili)-Governu liuhusi Ministru Obras Públikas (MOP), Abel Pires da Silva, hamutuk ho Vise Ministru Finansas (MF), António Freitas, no Vise Ministru MOP, Nicolau Lino Freitas Belo, ho tékniku sira enkontru ho Reprezentante Rezidente Kooperasaun Finanseira Internasionál (IFC) iha Timor-Leste, David Freedman, hodi ko’alia kona-ba prosesu atu aselera implementasaun projetu abitasaun ba hari’i uma unidade 2000 iha Halidolar, Suku Hera, Postu Administrativu Kristu Rei, Munisípiu Dili.

“Tenke aselera prosesu tomak ba implementasaun projetu abitasaun iha Hera, nune’e bele hadi’ak abitasaun iha kapitál Dili, liliu relasaun ho problema inundasaun ne’ebé kada tinan sempre akontese tanba laiha abitasaun ne’ebé di’ak”, dehan Ministru Abel Pires liuhusi pájina MOP ne’ebé www.tempotimor.com asesu, kuarta (22/06) .

Bazeia ba aprezentasaun husi IFC no tékniku sira katak tuir timeline ne’ebé iha posivelmente projetu ne’e implementa iha 2024 tanba presiza kumpri rekezitu sira ne’ebé presiza bazeia ba akordu PPP (Projetu Públiku Provadu) nian.

Husi diskusaun ne’e MOP ho MF hamutuk ho IFC konkorda no orienta tékniku sira hodi muda timeline ne’ebé iha para guia atividade ka atuasaun sira kona-ba projetu ne’e ho lais liután.

“Tékniku sira komesa aban bele tuur hamutuk reajusta timeline ida ne’ebé iha responsável no kesi ita para halo servisu ne’e lais liután. Ita-boot sira tenke tuur hamutuk halo timeline ne’ebé tenke razuável maibé labele neineik demais hanesan agora ne’e. Ita hakarak iha 2023 ne’e ita tenke iha ona asinatura kontratu ba implementasaun”, orienta Abel.

Ho orientasaun ne’e tékniku sira sei tuur hamutuk filafali hodi atualiza timeline tuir orientasaun ne’ebé konkorda ona ho IFC.

Iha nível politika, Ministru no Vise sira sei ko’alia ho membru Komisaun Interministeriál husi ministériu relevante atu iha koordenasaun di’ak liután ba implementasaun projetu abitasaun, tanba tuir informasaun husi nível tékniku prosesu balun la’o tarde tanba ladún iha koordenasaun di’ak iha nível tékniku.

Tanba ne’e, liuhusi koordenasaun di’ak entre membru komisaun interministeriál bele orienta tékniku sira atubele aselera prosesu ba projetu refere.

Enkontru ne’e partisipa mós husi Diretór Jerál Abitasaun no Urbanízmu (DJHU), Roger Tertuliano Belo, ho ekipa inklui ekipa tékniku husi Ministériu Finansas no IFC. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter