Xefe Bankada KHUNTO, Olinda Guterres hatete, SEFOPE iha kompozisaun Governu daualu tutela ba MKAE, tanba kompeténsia SEFOPE iha hotu MKAE.
“Ha’u lakohi rona tan SEFOPE, tanba SEFOPE nia funsaun laiha, ko’alia kotuk SEFOPE hanesan karreta ida karik ninia mesin laiha karreta mamuk hela, ema lori karreta ne’e laiha, iha hotu MKAE ninia liman ne’e duni labele temi tan SEFOPE”, deklara Olinda iha Plenária Parlamentu Nasionál, segunda (20/06).
Tanba joven sira ne’ebé sae moru iha Diresaun Nasionál Empregu Esterior-Bekora, hodi halo rejistu ba tuir teste lian-Korea nia la’ós kompeténsai SEFOPE nian.
“Labarik sira sa’e moru ne’eba, ne’e la’ós SEFOPE nia konta para komprende la’ós SEFOPE nia konta, ha’u lakohi rona tan SEFOPE”, hatete nia.
Tanba SEFOPE nia funsaun laiha, maske teme maibé sei labele halo buat ida, tanba kompetensia hotu iha MKAE ne’ebé SEFOPE tutela hela tuir kompozisaun Governu daualu nian.
“Sekretáriu Estadu de’it ninia fuansaun laiha ona ne’ebé labele temi Sekretáriu Estadu SEFOPE, iha hotu MKAE nia okos ne’ebé karreta ida karik fó ba Sekretáriu Estadu lori maibé ninia mesin ita-boot sira hasai tiha”, dehan nia. (*)